Мен тәрбиешімін эссе мектепке дейінгі балалар бағыты

Эссе

Мен – тәрбиешімін

«Ақырын жүріп, анық бас,

Еңбегін кетпес далаға.

Ұстаздық қылған жалықпас,

Үйретуден балаға.» - деп Абай атамыз айтып кеткендей, балаға үйретуден жалықпайтын мамандықты таңдау мен үшін өмірдегі басты бір шешімім болды. Менің ойымша, тәрбиешілік ол өнер, бұл мамандық деуден гөрі жанның қалауы. Өйткені, осы мамандықтың қыр – сырын жетік меңгерген адам жанының ерекше қасиеттерімен, иірімдерімен түсіндіреді. Себебі, әр баланың сан алуан мінезін ескере отырып оның құрттақандай жүрегіне жол таба білу ерлікпен теңбе – тең.

Ғұлама жазушы М.Әуезовтың: «Ел болам десең, бесігінді түзе» деген ұлағатты сөзінің мазмұнына ой салсақ тәрбие ұрпақты дүниеге әкелуден басталады. Ал тәрбиешінің басты міндеті – ұлттық дәстүрді арқау етіп, ата – баба тарихын тереңірек танытып, ізгілікке, имандылық пен инабаттылыққа, ата – баба мұрасын қадір тұтуға, туған елін, жерін сыйлап, құрметтеуге, қасиетін ұғуға тәрбиелеу.

«Бала – өмір гүлі» - демекші, сәбилерді ерекше жақсы көремін. Баланың әрбір қылығы мен тәтті сөздері мен үшін бағалы сыйлықтан да қымбат. Мен жұмыс істеп жүргенде байқағаным, баламен жұмыста тәрбиешілерге үлкен төзім мен сабырлық, ұстамдылық одан кейін әрине үлкен кәсіби шеберлік қажет. «Жақсы тәрбиені бала бойына сіңіре білу – күй сандықта, скрипкада шебер ойнай алу мен суретті жақсы сала білу сияқты бұлда бір үлкен өнер» - деген екен А.С.Макаренко.

Балабақшада берілген тәрбие – барлық тәрбиенің бастамасы, әрі баланы жан – жақты тәрбиемен дамыту ісінің түпкі негізін қалайтын орын. Сондықтан мен сабақтарым мен ойындарға, өз іс – әрекетіме үлкен мән беретін болдым. «Ұстаз мейірімі мен ата – ана мейірімі егіз» - дейді халық даналығы, сол себептен үйде ата – ана баласына, балабақшада тәрбиеші балаға мейірімін тең дәрежеде беретін болса, бала шын мәнінде тұлға ретінде қалыптасады. Менің пайымдауымша, баланы сәби кезден үлкен әріпті «Адам» болуға қалыптастырылған, бойына адамгершілік нәрі ерте себілген бала білімді бар жан – тәнімен аса қызығушылықпен азық етеді. Адамға нағыз бақытты – тәрбиелі ұрпағы ғана сыйлай алады. «Адам – ұрпағымен…