Мектепке дейінгі педагогтің рөлі туралы эссе

«Күншуақ»ш/о тәрбиешісі Турбекова А

«Мектеп жасына дейінгі балаларды дамыту мен тәрбиелеудегі заманауи педагогтің рөлі»

Өмірдің екі тірегі: үйренуден жалықпау, үйретуден аянбау. Дінмұхаммед Қонаев

Шынымен де әр заман өзінің ағымына қарай түрлі өзгерістер мен жаңашыл идеяларды бастан кешіруді. Әрбір жаңалық өзінің әдемі себептерімен күтілетін нәтижесін болжамдап отыратындығы анық. Өзгерістер әрқашанда білім мен ағарту саласында болады, оларды бірге алып жүретін кісілердің бірі –педагогтер қауымы. Әрбір жаңашылдықты ұстауда, меңгеру мен дамытуда педагогтердің өзінше бір қағидалары мен ұстанымдары болады. Педагогтің өзіндік ерекшеліктерімен білігіне, дағдысымен қабілетіне, шығармашылығына орай ұстанымдары әр түрлі. Менің педагогикалық ұстанымым –жаңартылған мазмұнды білім саласында түрлі жағдайларды ескере отыра, әрбір баладан жан-жақты мүмкіндіктерін ескерту нәтижесінде қабілеттері мен дарындарын дамыту. Сол арқылы қойылған мақсаттарға қол жеткізу.

Мен – мектепке дейінгі ұйымның тәрбиешісімін. Тәрбиеші – уақытының көп бөлігін білім мен тәрбиеге арнайтын бірден-бір тұлға. Тәрбиеші мамандығы ең көне мамандықтардың бірі, егер педагог балалармен айналыспаса, қоғамымыз оның дамуын тоқтатар еді.. Балалар мен сәбилер тәрбиесінде тәрбиешінің рөлі орасан зор!

Тәрбиешіге қойылатын басты және тұрақты талап – алдында отырған балаларына , педагогикалық іс-әрекетке деген сүйіспеншілігі; балаларды оқытатын салада тамаша білімінің болуы, кең эрудициясы, педагогикалық интуициясы, жоғары дамыған интеллекті және де адамгершілігі.

Тәрбиеші – балаларға жүрегін беретін адам. Қазіргі қоғамдағы тәрбиешінің оқытудан кейінгі маңызды рөлі – білім деп білемін. Тәрбиеші тәрбие жұмысының формалары мен әдістерін меңгеруі керек. Тәрбиешінің жалпы портретін құрайтын тағы бір бөлік бар – бұл даму. Олардың жеке қасиеттері мен кәсіби құзыреттілігін дамыту арқылы ғана оқыту мен тәрбиелеудің сапалы нәтижесіне қол жеткізуге болады. Ізденіс, бастамашылық, шығармашылық – менің міндетті серігім. Өзімнен көбірек сұрау, жан-тәнімен жұмыс істеу, білімімді толықтыру, жаңарту – заман талабын осылай түсініп, соған сай болуға тырысамын. Біздің жоғары технологиялардың қарыштап дамып келе жатқан ғасырында тәрбиеші де сөзсіз уақыттың өзі талап ететін бірқатар білім мен дағдыларды меңгеруі қажет: өзінің жеке компьютерінің болуы, мобильді интерактивті тақтаны пайдалануы. педагогикалық құралдардың барлық түрлерін шебер меңгерген білікті маман болуы…