Мен ұстазбын эссе үлгісі жас мамандарға

Т.А.Ә.: Чернияз Гүлнәз Сұлтанқызы

Мектеп: №6 Хромтау гимназиясы

Мен- ұстазбын

Ұстаздың жүрегінде жылылық көп,

Сол жылуға жүретінбіз жылынып көп.

Ұстаз мәңгі өшпейтін ұлы есім,

Ұстаз мәңгі қалады ұлылық боп!!!

Чернияз Гүлнәз

Алғашқы еңбек жолы әрбір адам өміріндегі аса маңызды құбылыстардың бірі. Менің ақ қардай, сызат та түспеген еңбек кітапшама ең бірінші түскен күн 02. 09. 2017 жыл. Бұл күні мен №6 Хромтау гимназиясына мектепалды даярлық топ тәрбиешісі ретінде жұмысқа қабылдандым. Мен бұл күнді айымның оңынан туып, Тәңірден маған тарту түскен күн деп есептеймін. Себебі, мектеп табалдырығын ұлағатты ұстаз ретінде аттап, ұрпағыма ұлтжанды тәрбие беру менің бала кезден аңсаған арманым болатын. Бұл арманымның іргетасы мектеп қабырғаларында қаланған еді. Мектеп деген әлемге алғашқы рет қадам басып, оқушы деген өмір жолын алғаш бастаған бірінші сыныпта мұғалімдер күніне арналған көрініс қойылды. Алланың әмірі болды ма, маған сол көріністен мұғалім болу бақыты бұйырды. Мектеп табалдырығын жаңа ғана аттаған балғын баладан, қолында сөмкесі бар, үстіне мұғалімнің киіміне сай киім, сабырлы, ұстамды ұстазға айналып шыға келдім. Бұл сәтте бес минуттық болса да, басымнан үлкен бір бақытты күй кештім.Қазіргі кезде 1-сыныпқа сабақ беремін. Міне, осы кезден-ақ ұстаздық деген тұңғиық теңізге бойлап, мұғалімдіктің қадыр-қасиетін бойыма сіңіре бастадым. Сөйтіп, алдағы өмірде ұлтының ұлылығын ардақтайтын ұрпақ тәрбиелей

Ұстаздық ету – бұл әлемдегі ең ұлы істердің бірі. Себебі, мұғалім өз ұлтының ұрпағын тәрбиелейді, болашағын анықтайды. Ата-бабамыз: «Ел болғың келсе бесігіңді түзе» деп өскелең ұрпаққа ұлы сөз қалдырған. Қанында ұлылықтың ұшқыны бар қазақ әрқашан ұстаздықтың қасиетін түсіне білген және алдағы заманның ғылым мен білімнің заманы болатытын болжай білген. Оған Абылай хан атамыздың: «Білекке сенген заманда ешкімге есе бермедік, білімге сенер заманда қапы қалып жүрмелік» деген сөздері дәлел. Ұрпағының қанына ұлтының ұлылығын дарытып, тамырына тарихын сіңдіртетін ол ұстаз. Осындай ұлы істерді атқарып жүрген ұстаздықты бағаламау надандық болар еді.

Ұстаз – жүрегі жақсылық пенжаңалыққа толы ұлы тұлға. Сол бойындағы барлық білім мен білікті, тәрбиені баланың жүрегіне жеткізу үлкен қасиет. Ұстаз тәрбиесін шын қабылдаған бала болашақта сөзсіз ұлы тұлғаға айналады. Ұлы Абай атамыз:

«Ақырын жүріп, анық бас,

Еңбегің кетпес далаға,

Ұстаздық еткен жалықпас,

Үйретуден балаға!» - деп жырлап кеткендей, әрбір ұстаз бұлақ түбінен асыл тас іздегендей балаға мән мен мағынаға толы білімді үйретуі керек. Сонда ғана ұстаздың еңбегі еш кетпей, керісінше баланың айбынды азамат болып өсуіне септігін тигізеді. Ұстаздың ең бірінші мақсаты да осы. Ұлағатты ұстаздықтың ұлылығын ұғынып, мен де осы себептерге байланысты ұстаз болуға шешім қабылдадым.

Қазақта: «Ұстаз болу жүректің батырлығы!» деген жақсы сөз бар. Шынымен де, ұстаз болу таудай талапты, батырлық пен батылдықты, қайсарлықты қажет етеді. Себебі, назарын саған аударып отырған отыз баланың алдында сабақ беріп, білім нәрімен сусындату оңай іс емес. Баланың алдында мұғалім сөз саптауын дұрыстап, ерекше мәнермен, ырғақпен сөйлеуі тиіс. Баланың алдында сөзден кетелесу үлкен…