Үздік жас маман тақырыбындағы эссе үлгісі

Жас маман-жас қадам

Жастардың оқу-тәрбие жұмысы түзелмей,

жұрт ісі түзелмейді

Ахмет Байтұрсынов

Арман қуып, талай белестерге баратынымыз сөзсіз. Бірақ мен таңдаған мамандық – сол биік белестердің шыңына шығарар жолым, жүрегімнің қалауы, жанымның шынайы таңдауы. Әр адамның жүрек түкпірінде болашаққа деген арманы мен мақсаты жатады. Қарт Каспийдің толқынындай тулаған мендік арман,мақсатқа айналды. Сол арман, сол мақсат-ұстаз болу еді.

Балалық шағымда-ақ, мұғалім болып, алдымдағы шәкірттеріме білім үйретуді қиялдағанмын. Кішкентай кезімде анамның айтуынша, есік алдында көршінің балаларын жинап, оларға ертегі айтып, тапсырма беріп ойнайтынмын. Шіркін, балалық шақ неткен керемет кезең едің! Сол күндер мені бүгінгі таңда ұстаздық жолға жетелеген еді.

Мектеп бітірген соң, еш ойланбастан мұғалім мамандығын таңдадым. Өйткені бала жанын түсіну, жаңашыл болуға үйренгені мен үшін ерекше шабыт сыйлайды. Сол балалық арманымның орындалып, қазіргі таңда екі жылдық тәжірибесі бар жас ұстаз болып еңбек етіп жүргенім мен үшін үлкен қуаныш. "Ұстаз" сөзі өте қастерлі, әрі киелі ұғым. Бұл сөзде адами ұлылық пен үлкен жауапкершілік жатыр.

Ұстаз болуды көпшілік армандайды. Алайда, нағыз ұстаз болу үшін адамның бойында жақсылық пен жамандықтың, ізденіс пен жалқаулықтың ара-жігін ажырата алатын қасиет болуы қажет. Себебі ұстаз-бүтін бір қоғамды тәрбиелейтін тұлға.

Осы орайда менің ойыма К.Д.Ушинскийдің мына сөзі оралады. «Шынында да мұғалім ісі сыртттай қарапайым болғанмен-тарихтағы ең ұлы істің бірі» шынында да мұғалім қарапайым,сабырлы тұлғасымен ел-жұртына елеулі қызмет,іскерлік әрекет ететін қоғамның көшбасшысы. Қазақтың ұлы ақыны Абай Құнанбайұлының «Ұстаздық еткен жалықпас,үйретуден балаға» деп өлең-жырға қосуы,ұстаздық мамандықтың құдіретін ұғындырғандай.

Мен де осы жауапты жолды таңдап, өмірімдегі басты мақсатым ретінде ұстаздықты таңдадым. Менің бұл шешімімді ата-анам құптап, қолдау көрсетті. «Ұстаздың шырағы--шәкіртінің жүрегінде» деген сөз менің өмірлік қағидам.

Бүгінде Жаңаөзен қаласындағы Абай Құнанбаев атындағы №19 жалпы білім беретін мектепте бастауыш сынып мұғалімі болып қызмет атқарып келемін. Жас маман ретінде ардагер ұстаздардың тәжірибесін өзіме үлгі етіп, бар үйренгенімді сабағымда қолданамын. Мен шәкірттеріме қатал ұстаз емес, болашаққа бағыт сілтеген, жылы жүзді Гауһар Саламатқызы ретінде есте қалғанымды…