Мен жаңа форматтағы мұғаліммін химия пәнінен эссе

Мен жаңа форматты педогогпын

Ескіден қол үзбей, жаңаға қол жеткізгендер

ғана мұғалім бола алады.

Конфуций

Ұстаз – бүгінгі қоғамды ертең алға сүйрейтін озық ойлы ұрпақ тәрбиелеуші, өз уақытын аямай, өзгенің бақытын аялаушы. Жас ұрпақтың білімі мен біліктілігін дамытуда мұғалімдер жаңа заман талабына сай сапалы және инновациялық технологияларды меңгеру қажет. Қазіргі заман мұғалімі – рухани жағынан дамыған, педагогикалық құралдардың барлық түрлерін шебер меңгерген білікті маман болу керек. Білім сапасын көтеруде жаңа инновациялық технологияларды дұрыс және сауатты қолдану жылдан жылға күрделі және өзекті мәселеге айналуда. «Сындарлы оқытудың» негізінде жаңа білім мен өмірді ұштастыра алатын, сыни ойлана алатын жалынды жастарды тәрбиелеу негізгі мақсатымыз болуы қажет. Ал шығармашыл ұстаздың алдына қойған үлкен міндет- оқушыларымызға заман талабына сай тәлім –тәрбие беру болып табылады. Алайда өзімді « керемет ұстазбын» деп айту астамшылық болар деп ойлаймын. Әлемдегі барлық адамдардың ішінен – мұғалімдер ғана үзіліссіз оқудың бағасын түсінеді. Оқу бір жерде тұрмайтынын, өзгерістің болмауы өсудің тоқтағанын білдіретінін түсінгендіктен үнемі ізденіс үстінде болмақ. «Ұстаз» деген ұлы атаққа ие болу үшін әлі талай үздіксіз еңбектеніп, талай –талай белестерді бағындыру керектігін мойындаймын.

Атап айтар болсам, Кембридж тәсілінің теориялық негіздері арқылы жалпы білім беретін мектептері педагогтерінің мұғалімдер қауымы үшін үлкен жаңалық болды. Мен үшін де аталған курс жаңа өзгерістің бастауы болды. 2014-2015 оқу жылдарында Алматы қаласында үш айлық біліктілік арттыру курстарының ІІ деңгейі бойынша курсты аяқтап, сертификат алдым. Мемлекетіміздің білім беру үдерісіне енген жаңартылған білім беру бағдарламасы - заман талабына сай келешек ұрпақтың сұранысын қанағаттандыратын тың бағдарлама. Жаңартылған білім беру бағдарламасы туралы түсінгенім мен ұғынғаным мол. Аталған курстар барысында менің дәстүрлі педагогикада жүрген іс-тәжірибеме деген көзқарасым өзгере бастады. Жаңа дүниені жатсынбай қабылдадым. Жеке тұлға ретінде өзімнің бойыма өзгерістер енді. Атап айтар болсам, біріншіден өзімнің көзқарасымды жаңалыққа бейімдеп , екіншіден күнделікті сабақ жоспарым мен сабақ өткізудің тәсілін, үшіншіден бала еркіндігін шектемеу, төртіншіден оқушылардың сабаққа ынтасын ояттым, бесіншіден бағалауды өзгерттім және әріптестеріме де ықпал…