Мен және менің отбасым сабақ жоспары, мектепалды даярлық

Бiлiм бepy салаcы: Денсаулық

Оқу .іс-әрекеті: валеология.

Taқыpыбы: Мен және менің отбасым.

Мақсаты: Баланың үйдегі орны туралы түсінігін қалыптастыру.

Баланың үлкенді сыйлау, кішіге қамқор болу, жауап-кершілік сезімдерін дамыту. Балаларға үйдегі қауіпсіздік ережелері жөнінде түсінік беру.

Oқy ic-әpeкeтiнiң көpнeкiлiктepi : Отбасы бейнеленген суреттер.

Ic-әpeкeт бөлiмдepi

Тәрбиешінің ic-әpeкeтi

Бaлaлapдың ic-әpeкeтi

Ынтaлaндыpy. Ceзiмдi oятy

Шаттық шеңбері.

- Адам үшін қандай тамақ пайдалы?

- Егер тек қана кәмпит жесең, не болады?

- Отбасында кім тамақ пісіреді?

- Отбасы деген не?

Әңгімелесу.

Балаға ең жақын адамдар - әке, ана, аға, әпке, ата-әже, т.б. болып саналады.

Балаларға үлкендердің көмегі және сүйіспеншілігі қа-жет. Ал ата-аналар, әсіресе ата-әжелер өздеріне көп көңіл аударғанды жақсы көреді. Үлкен кісілер демалыс пен тыныштықты қалайды.

- Ата-әжелеріңді күту керек! Олар жылы сөзден қуат алады.

- Ата-анаңды сыйла, оларды күт, ренжітпе, қайда болсаң да олардың жанынан табылуға асық.

Үйде әр баланың өз бөлмесі, өзінің бұрышы болуы қажет. Бала өз бөлмесін жинастыруға жауапты екенін сезініп, ойыншықтарын, кітаптарын, төсегін жинай білуі керек. Әр зат өз орнында тұрғаны жөн.

- Ойыншық - баланың үлкен досы. Олар таза, бүтін және өзінің арнайы орнында болуы керек.

- Өзің әдемі және ұқыпты болып көрінуің керек. Сенің шашың күтімді қажет етеді. Шаштың досы - тарақ, ол әрқашанда таза болуы керек.

- Біреудің тарағымен таранба.

- Сенің аяқкиімің де тазалық пен ұқыптылықты жақсы көреді: оны сүрт, кептір, аяқкиім майымен майла.

Iздeнicтep.

Ұйымдacтыpy

Әңгімелесу.

- Егер отбасында біреу ауырып қалса, оны кім күтеді? Әдетте ауырған адамды анамыз күтеді. Ал егерде анамыздың өзі ауырып қалса, оны кім күтеді?

Есіңде болсын! Егер үйде ауырған адам болса, оған тыныштың орнату қажет. Сабырлы ойындарды таңдап алу керек. Күніне бірнеше рет бөлмені желдетіп тұру шарт.

Ауырған адамға лимон мен бал қосылған шай ұсыну керек.

Ауырған адамнан қандай көмек қажет екенін сұрауды ұмытпаңдар.

Әңгімені тыңдау, талқылау.