Менің әкем полицей тақырыбындағы эссе 6 сыныпқа

Менің әкем –полицей !

Әке туралы ойды жеткізу мүмкін емес. Әке осы өмірдегі ерекше тұлға. Әке-асқар тау, ол шаңырақтың бар ауыртпалығын көтеріп,отбасын асырап, бізге тәрбие беріп, қамқор болатын жан. Әке балаға әрдайым үлгі. Мен әкемнің бойынан батырлық, қайсарлық көремін. Әкем үнемі адалдықты, әділдікті, батылдықты алға тартады.

Менің әкем – полицей. Иә, әкем полицейде қызмет жасайды. Бұл қызметтің атауын айтпай –ақ өзіне сипаттама беріп тұрғандай. Бұл қызметтің ел алдында, Отан алдында жауапкершілігі өте жоғары. Жауапкершілігі мен өміріне, денсаулығына қауіптілігі қатар жүретін мамандық. Әкем халықтың, еліміздің тыныштығын сақтау үшін күні – түні қызмет етеді. Полицей қызметі өте ауыр, себебі қызметпен қатар отбасына да уақыт тауып, балаларын тәрбиелеу әке алдындағы міндет. Бірақ әкемнің бос уақыты бола бермейді. Біз бұл жағдайға түсіністікпен қарап, әкемізді көп мазаламаймыз. Қылмыскерлер демалысқа қарамайды дегендей, әкем біздің қауіпсіздігіміз үшін үнемі қызметте болуы керек. Қызметтен бос уақыты бола қалса, отбасымен уақыт өткізуге тырысады. Әкеммен бірге спортпен шұғылданғанды, балық аулауға барғанды ұнатамыз. Бірақ бұндай кездер өкінішке орай өте сирек, оған мен мойымаймын, себебі әкеме қызметі мен отбасын қатар алып жүру қиын екенін түсінемін. Әр қызметтің жауапкершілігі бар, бірақ әкемнің қызметінің жауапкершілігі мың есе артық деп білемін. Әкеміздің жұмысының қиын екенін біле тұра қолдау көрсетуге тырысамыз. Мен әкемді, әкемнің қызметін мақтан тұтамын. Болашақта мен де әкемнің жолын қуып, осы қыз

Өз ойымды қорыта келе, өз өмірлеріне қауіп төндіріп, қызметтің ащысы мен тұщысын қатар алып жүріп, ел тыныштығын, қауіпсіздігін қамтамасыз етіп жүрген әкем мен осы қызметте жүрген ағаларға қажымас қайрат, күш – жігер тілеймін.

Сынып жетекшісі Алимагамбетова Ж.Ж.