Менің мамандығым тақырыбындағы эссе, Қазақстан тарихы

Менің мамандығым

эссе

« Мектептің жаны- мұғалім. Мұғалім қандай болса, мектебі hам сондай болмақшы, яғни мұғалім білімді болса үйрете білетін болса, ол мектептен балалар көбірек білім біліп шықпақшы. Сондықтан ең әуелі мектепке керегі- білімді, педагогика, методикадан хабардар, оқыта білетін мұғалім»

А. Байтұрсынов.

«Білім-адамның байлығы» деп Саиф-әс-Сарай айтқандай, қазіргі заман мұғалім өз пәнінен білімді, тарихи танымы мол, саяси-экономикалық және педагогикалық-психолгиялық сауатты болуға тиіс. Сондықтан да халқымыз ең қымбат та асыл қазынасы-өзінің жас ұрпағын, оның бүгінгісі мен ертенгі нұрлы болашағын мұғалідердің адал жүрегіне сеніп тапсырып отыр.

Шәкірттеріміздің кім болып шығатындықтарының мәні зор, ал олардың қандай азамат болып шығатындықтарының мәні бұдан жүз есе артық.

Мемлекетіміздің болашағы бүгінгі партада отырған жас ұрпақтың саналы тәрбие,сапалы білім, салиқалы ұлағат алуына байланысты. Жаңа заманның тарихын жазатын, кезінде қателескен, бұрмаланған тұстарына әділ баға беретін,сөйтіп, оның кемшілік тұстарын толтыратын, осы бүгінгі жас ұрпақ. Сондықтан да елімізде жүріп жатқан ауқымды өзгерістердің мәнін әділ пайымдау, бәрінен бұрын жастарды тәрбиелеп жатқан бізге- мұғалімдерге үлкен жауапкершілік жүктейді.

Жаңа ғасырдың жаңаша ұстаздары- өз мамандығын жанымен сүйетін, білімді де білікті мамандар. Алдына қойған мақсатын-айқын, ісіне сүйіспеншілікпен қарайтын осынау ұстаздар бойынан байқағыштық, төзімділік, өз ісіне, шәкіртіне ерекше ілтипат пен мықты сенімділік төгіп тұрады.Мұндай ұстаздар қашанда шәкірт пен ата-ана, әкімшілік, жалпы, халық тарапынан сыйластық пен жоғары бағалауға ие болады. Менің мамандығым тарих пәні мұғалімі. Сондықтан,адам баласының ғылыми дүниетанымын, көзқарасын қалыптастыруда тарих сабағының мәні зор деп білемін.

Тарихи оқиғаларды жан- жақты дұрыс түсіну үшін әуелі ойлау, елестету, ондан кейін фактілерді, оқиғаларды, жағдайларды ойша қорыту арқылы түсінік қалыптастырған жөн, сол тарихи жағдайларды білуге құмарту, терең түсінуге жағдай жасау, яғни оқушылардың қабілетін дамытуды қалыптастыру, оқушылардың өз бетінше ізденуге әкеліп тіреу керек.Сонда ғана біз баланың жан –жақты дамуына әсер ететін міндетті орындадық дей аламыз.

ХХ1 ғасырда білім мен ғылымның жаңа белесі басталды. Жас ұрпаққа сапалы білім мен ұлағатты тәрбие беру, өміріне жолдама алуына барлық жағдай жасау үшін білім беру ісін әлеметтендірудің…