Менің анам ең тамаша жан музыка пәніне тәрбие сағаты

Тәрбие сағатының тақырыбы: «Менің анам - ең тамаша жан.»

Мақсаты: Оқушылардың 8-наурыз мерекесі жөніндегі білімдерін кеңейту; тіршілікті жалғастырушы аналардың өмірі, олардың қасиеті, құдіреттілігі неде екенін оқушыларға түсіндіру; балаларды барлық аналарға деген сүйіспеншілікке баулу; ата-ана мен баланың арасындағы сыйластықты күшейту; ата-ананы қадірлей білу, сүю сезімдерін нығайту; оқушылардың ақыл-ой, білімге көзқарастарын дамыту, есте сақтау, сөйлеу, ойлау, зеректік, шығармашылық қабілеттерін дамыту.

Сабақтың көрнекілігі: Сыныпты мерекеге сай безендіру. Даналық сөздер, слайдтар, гүлдер, суреттер, оқушылар шығармашылығы.

Тәрбие сағатының түрі: танымдық - сайыс сабақ

Тәрбие сағатына ата-аналар шақырылып, қатыстырылады.

Тәрбие сағатының жоспары:

І. Ой қозғау.«Өмір гүлі – анаға ұлылық тән.»-тақырыптық презентация

ІІ.«Танымдық сайыс. «Менің анам – ең тамаша жан» - әр бала өз анасымен бірге топ құрып, сайысқа қатысады.

ІІІ. Тілектер шоғы. Мерекелік құттықтаулар.

ІV. Қорытынды. Марапаттаулар.

Тәрбие сағатының өту барысы:

Тәрбиеші: Құрметті оқушылар, ата-аналар, ұстаздар! Көктемнің әдемі де шуақты мерекесі қарсаңында біздің 6-сыныпта өткелі отырған «Менің анам – ең тамаша жан» атты тәрбие сағатымызға қош келдіңіздер! Ана – бала – өмірлік егіз ұғым, Арнау керек соларға жүрек жырын. Ана мен балаға арнап көк аспаннан Тәңірім сыйлай берсін таңның нұрын - дегендей бүгінгі тәрбие сағатымыздың арқауы болатын да осы егіз ұғым . Біздің бүгінгі тәрбие сағатымызға көптеген қонақтар келіп отыр. Олардың ішінде ата-аналар да келіп отыр. Баршаңызға да «қош келдіңіздер» дейміз! (Тәрбиеші тәрбие сағатының барысымен таныстырады.) І.Ой қозғау. «Өмір гүлі – анаға ұлылық тән» - тақырыптық презентация. (2 оқушы оқып, таныстырып тұрады)

ІІ. Танымдық сайыс. Тәрбиеші: Әлемдегі ақылды адам, Бәрінен сол жақын маған! Ол жанымда болса, мен де, Батырларша батылданам. - дегендей бүгінгі тәрбие сағатымызда балаларымызды аналарымен бірге сайысқа түсіргелі отырмыз. Яғни, сайыс барысында ана мен бала бір-біріне көмекші болып, өздеріне ұпай жинайды. Алдымен бізге қонақтардың арасынан әділқазылар керек.(әділқазылар сайланады.)

І - тапсырма: Таныстыру. «Менің анам - ең тамаша жан...» Шарты: Әр бала өз анасын алып шығып, «Менің анам - ең тамаша жан...» деген сөздермен бастап, барынша әдемі таныстырып шығуы тиіс.

ІІ – тапсырма: Бауыр еті балаңызды қаншалықты білесіз? Аналарға арналған сұрақ – жауап. Жазбаша жауап алынады. Балалары өз анасының жазған жауабын оқып, дұрыстығын айтады.

1. Балаңыздың туған күні.

2. Балаңыз бірінші сыныпқа қашан барды?

3. Осы мектеп-интернатта нешінші сыныптан бері

оқиды?

4. Қандай пәндерді «5»ке немесе «4»пен «5»ке үлгереді?

5. Балаңыздың қандай үй шаруасына бейімі немесе ынтасы бар.

6. Балаңыздың сүйікті тағамы.

7. Балаңыздың ең жақын досы.

8. Балаңыздың қызығушылығы.(хоббиі)

9. Балаңыздың арманы.

10.Балаңызды еркелеткенде қандай сөз айтасыз?

11.Балаңыз сізді ренжіткенде ең алдымен қандай сөз аузыңызға түседі?

12.Балаңыздың мұғалім, тәрбиешілерін білесіз бе? Аттарын атаңыз.

13.Балаңыз оқитын мектеп директорының толық аты-жөні.

ІІІ – тапсырма: «Анашыммен бірге ...»

Ойынның шарты: Балалар мамаларымен бірге шығып, шарды жарып алып, берілген мақал - мәтелдің жалғасын тез тауып айтулары тиіс. 1. Аға әдепті болса,- іні әдепті,

(Апа әдепті болса, - сіңлі әдепті.)

2. (Әке тұрып, ұлы сөйлегеннен без,)

Шеше тұрып, қызы сөйлегеннен без.

3. Жақсы қыз – жағадағы құндыз,

(Жақсы ұл – аспандағы жұлдыз.)

4. Кісі болар баланың кісіменен ісі бар,

(Кісі болмас баланың кісіменен несі бар.)

5.Атың жаман болса қарың кетер,

(Балаң жаман болса арың кетер.)

6.(Әдептілік, ар - ұят—адамдықтың белгісі,)

Тұрпайы мінез, тағы жат—надандықтың белгісі.

ІV – тапсырма: Тығырықтан шығып көр! Жағдаяттар шешу. 1. Балаңыз ауырып қалыпты. Тәрбиешісі жағдайын хабарлап айтты. Ал, сіз жұмыс жөніде басшыңызға кіруге алдын – ала жазылып қойдыңыз. Сіздің іс –әрекетіңіз? (Келіп,көріп кетесіз ба, әлде (тәрбиешіге тапсырасыз ба?)) 2. Сіз интернатта оқитын балаңызға келдіңіз. Қайтарда балаңыз үйді сағындым, қайтамын дейді. Сіздің де көңіліңіз бұзылып, балаңызды қимай , сондай бір күйде тұрсыз. Бұ жерде не істейсіз? 3. Балаңыз сіз келген сайын қағаз, құрал аламын деп ақша алып қалады. Бірақ ол өтірік екен. Ол ақшаға ол тәтті, сағыз т.б. алады екен. Оны сізге балаңыздың сыныптасы айтып қояды. Сіз ашуланасыз ба, әлде... 4. Сіздің көршіңіздің баласы бар. Ол көбіне өтірік айтатын, тентектеу бала. Сіздің балаңызға ойнауға келеді. Балаңыздың онымен дос болып, бірге ойнағанын қалайсыз ба? 5. Балаңыз сырттан қатты ашуланып келіп, бөлмесіне кіріп, есікті жауып алып, шықпай қойды. Сіздің іс-әрекетіңіз. 6.Сіз балаңызға өзіңіз жұмыстан келгенше үйді жинастырып қоюды тапсырдыңыз. Балаңыз достарымен ойнап жүріп, бұл істі ұмытып кетіпті. Сіздің әрекетіңіз, балаңызды жазалайсыз ба?Әлде...

V – тапсырма: «Қызықты сұрақтар» сайысы

1.Қар жана ма? (Қалауын тапса қар жанар.)

2.Инемен құдық қазуға бола ма? (Оқу инемен құдық қазғандай.)

3.Аппақ қарға бола ма? (Қарға да баласын аппағым дейді.)

4.Қой мен қасқыр ойлана ма? (Қойдың ойлағаны – амандық, қасқырдың ойлағаны – арамдық.)

5.Адамның қай мүшесі батыр, қай мүшесі қорқақ? (Көз қорқақ, қол батыр.)

6.Жерден таяқ жеуге бола ма? (Жетіге келгенше жерден таяқ жейді.)

VІ – тапсырма: Тапқыр болсаң тауып көр!