Менің арманым өзін-өзі танудан ашық сабақ 4 сынып

Өзiн-өзi тану сабағының жоспары

Мектеп: №8 гимназиясы КММ

Мерзімі: 27.09.2018ж

Сынып: 4Ә

Оқушылар саны: 25

Сабақ №5

Тақырып: «Менің арманым»

Құндылық: Дұрыс әрекет

Қасиеттер:мейірім, достық. әділдік,

Мұғалiм: Кулмурзаева Нурсулу Оразбаевна

1.Сабақтың мақсаты: Оқушыларға жақсы ниетпен армандай білуіне және оған қол жеткізуге түсінік бере отырып, дұрыс әрекет құндылығының мәнін ашу.

Міндеттері:

а) Білімділік.Арман ұғымы туралы түсінік беру;

ә)Дамытушылық. Оқушылардың бойында арманы болып табылатын сүйіспеншілік, мейірім, достық. әділдік, қасиеттерін дамыту;

б)Тәрбиелік. Адамды шексіз арманға жеткізетін ізгі істерге, сенімділікке, әдептілікке, жақсылыққа тәрбиелеу.

2.Сабақ барысы:

Ұйымдастыру кезеңi. 5 «Т» ережесін сақтау керектігін еске түсіріп қайталау. (Тәртіп,Талап,Тазалық,Тыныштық,Татулық)

Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз.Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз!...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет!

Оқушылар өз әсерлерімен бөліседі.

Сұрақтар:

1. Қандай күйде болдыңыздар?

2. Жаттығу қалай әсер етті?

Ой қорыту:

- Олай болса, оқушылар, дұрыс әрекетті пайдалана отырып, ішкі тыныштық күйімізді сақтап қалайық.

2.Үй тапсырмасын тексеру.

Оқулықтың 24-бетіндегі 4-сабақта берілген М.Гумеровтың «Күмән» әңгімесін оқып келу берілген.

Мәтін бойынша сұрақтар:

1.Әңгіме не жайында айтылған?

2.Әңгімедегі оқиғадан сынып оқушыларының қандай жақсы қасиеттерін көруге болады?

3.Олардың бойынан қандай жағымсыз қасиеттерді байқадыңдар? Одан қалай арылуға болады? Сендер не істеген болар едіңдер?

4.Өз сыныптарыңдар осыған ұқсас оқиғалар болды ма? Естеріңе түсіріп айтып беріңдер.

5.Балалар адам арманын қандай құндылықтарынан байқауға болады?

6.Оқиғада кімді айтар едіңіз дұрыс әрекет жасаған деп?

7. Білімнің арманға қандай қатысы бар?

Ой қорыту: Ендеше, балалар , әрқашан ақиқатты шындықты жақтап, сүйіспеншілікпен дұрыс әрекет жасайтын болсақ өмірде әрқашан жолымыз ашық болады.

Сабақ барысын талқылау:

интерактивті тақта, слайдтар, үнтаспа, оқулық, жұмыс дәптер

3.Дәйексөз.

«Арман-адамға қанат»

Халық мақалы

Мұғалімнің түсіндіруі:

Адамның көкейіндегі ізгі ниет, болашақтан күтер үміт, алға қойған мақсат арқылы арманына жете алады. Адамның арманы сұлулығы нәзіктік, сезімталдық, мейірімділікке байланысты болады. Әр адамның өзіндік арманы бар. Бірақ ол жан сұлулығына байланысты.

Дәйек сөзді талдау.

Мұғалімнің сұрақтары: