Менің бала тәрбиесіндегі үлесім туралы мақала 11 сыныпқа

«А.Байтұрсынов атындағы №5 жалпы орта мектебі» коммуналдық мемлекеттік мекемесінің Математика пән мұғалімі, 11 «Ә» сынып жетекшісі Айдынбекова Гульсара Айдарқызының «Менің бала тәрбиесіндегі үлесім» тақырыбына жазған жазба жұмысы /эссе/.

Ақырын жүріп, анық бас,Еңбегің кетпес далаға.Ұстаздық қылған жалықпас,Үйретуден балаға.

Абай Құнанбайұлы

«Адамға ең бірінші білім емес, рухани тәрбие берілуі керек, тәрбиесіз берілген білім – адамзаттың қас жауы, ол келешекте оның барлық өміріне апат әкеледі»

Әбу Насыр Әль-Фараби.

«Егер мұғалім өн бойына, өз ісіне, шәкіртіне деген сүйіспеншілікті жинақтаса, ол – нағыз ұстаз» Л.Н.Толстой

-демекші, мен тәрбие саласына өз үлесімді кішкентайымнан қостым десем де болады. Олай дейтін себебім, мектепте оқыған кезден бастап, оқуда озат, алғыр бала болып өстім. Анам бастауыш сынып мұғалімі еді. Оның дәптерлерін тексеруге құмар едім. Тіпті сыныбына барып оқушыларға қалай отыруды, қалай жазуды анаммен бірге үйрететінмін.

Ұстаз – киелі ұғым. Осы ұлағатты сөздің астарында білімділік те, мейірімділік те, зерделік те жатыр. Ұстаз – адамдықтың диқаншысы. Адам тәрбиелеудің, жеке тұлғаны қалыптастырудың бағбаны. Кіршіксіз, пәк сезімді жас ұрпақты арман жолына жетелейтін де, білімнің қияя шыңына көтеретін де ұстаз. «Ұстазы жақсының – ұстамы жақсы» деп ғажайып дүниенің сырын ашқан, өмірлің қыр-сырын меңгерткен де ұлы тұлғалар. Ендеше ұстаз білімнің отын жағып, бал-шырын нәрін шәкірт бойыны сіңірудің әдіс-тәсілдерін жетік меңгерген мұғалім болу – адам бойындағы ұлы қасиет. Ол жүректің батырлығын да, сезімнің ақылдығын да, мінездің жайлылығын да, білімнің байлығын да топтастырып, бір арнаға тоғыстыратын, бір сөзбен айтқанда үстаз – асыл қасиеттердің жиынтығы.

Елбасымыз Н.Ә.Назарбаев «Еліміздің ертеңі бүгінгі жастар, жас ұрпақтың тағдыры ұстаздың қолында» деп атап көрсеткендей, ұрпақ тағдыры үшін жауап беру ұстаз атаулыға үлкен салмақ салды. Білім кілті ұлағат иелерінің кең пейілді жарқын бейнесі мен білімдарлығы арқылы шәкірт санасына қалары сөзсіз.

Жалпы мен білім саласында жүргеніме 34 жыл болыпты, осы жылдар ішінде қаншама шәкірт тәрбиеледім, жетекшілік жасадым. Маған еліктеп қаншама оқушы ұстаз болды, қаншама оқушы дәрігер, саудагер, шаштараз, банкир болып, халық игілігі үшін, жұмыс жасап, алғысқа…