Менің баламның болашағы 7 сынып ата-аналарымен жұмыс

Жезқазған қаласының білім бөлімінің

« №8 гимназиясы КММ»

Ата-аналарға арналған әдістемелік тимбилдингтің тақырыбы:

«Жалпыадамзаттық құндылықтар – мектептің тұтастай педагогикалық үрдісінің негізі»

«Менің баламның болашағы...»

Дайындаған: Өзін-өзі тану пән мұғалімі:

Кулмурзаева Н.О

Ата-аналарға арналған әдістемелік тимбилдингтің тақырыбы:

«Жалпыадамзаттық құндылықтар – мектептің тұтастай педагогикалық үрдісінің негізі» «Менің баламның болашағы...»

Сабақтың тақырыбы: «Менің баламның болашағы...»

Сабақтың мақсаты:

а) Бала тәрбиесіндегі ата-ананың алатын орнының ерекше екендігін түсіндіру;

ә) Халқымыздың тәлім-тәрбиесі ананың ақ сүтімен, әже өнегесімен, ата ақылымен берілетін білім, өзіндік ұлттық қасиетімізді балалардың бойына дарыту;

б) Отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, сыпайы, инабатты болуға тәрбиелеу.

Көрнекілігі: қанатты сөздер, оқушыны шығармашылығынан тұратын көрме, отбасы туралы слайд, мультимедиа.

Ата - аналар мен оқушыларды тимбилдинке қатыстыра отырып, олардың халық ауыз әдебиеті, салт – дәстүрі туралы білімдерін байқау, отбасы – Отанның бір бөлшегі екендігін ұғындырып, оқушыларды ынтымақ пен бірлікке, татулық пен ұйымшылдыққа тәрбиелеуӘдісі: тимбилдингБарысы

Құрметті ұстаздар, ата-аналар!

«Менің баламның болашағы...» атты тимбилдингке қош келіпсіздер!

Ата - аналар тимбилдингінің барысы

1. Амандасу тимбилдингі.

Нұсқау беремін: баспен амандасамыз; құлақпен амандасамыз; қолмен амандасамыз … Дене мүшелерімен амандасады.

2. Топқа бөлу.

Ата - аналарға гүл таратып берілді. Гүлдердің түстері бойынша екі топқа бөлінді.

3. Жиналыстан бұрын ата - аналарға сауалнама таратылады.

4. Мұғалімнің сөзі:

Құрметті ата - аналар! Бүгін біз сіздермен бала тәрбиесі жөнінде ой бөлісу мақсатында жиналып отырмыз. «Ағаштан ағаш рең алады, адамнан адам тәлім алады» демекші әрбір ата - ана өз баласының тәрбиелі де рухани азығы мол азамат болып өсуін тілейді. Қазіргі заманымыздың басты мақсаттарының бірі - жас ұрпаққа саналы тәрбие беру. Жас ұрпақтың саналы азамат болып қалыптасуында ата - анамен мұғалімнің рөлі зор. Бұл істе асығыс шешім, жалған әдіс, қатып қалған тәсіл қолдануға болмайды. «Тәрбие дегеніміздің өзі, ең алымен баланың сезімін оятып, баланың әсершілдігін дамыту».

Ұйымдастыру кезеңі:

Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Сұрақ :

1. Осы тыныштық сәтінен қандай әсер алдыңыздар?

Ой түйіндеу: Әріптестер, бір-бірімізге мейірімділікпен қарап, ішкі тыныштықтығымызды сақтайық, ол бізді жақсылыққа, бақытқа жетелейді.

Тимбилдинг бағдарламасы үш бөлімнен тұрады:1 - бөлім — «Жалпыадамзаттық құндылықтар терегі»

2-бөлім – «Мен және менің отбасым»

а) «Сұрақ - жауап» сайысыә) «Өнерлінің өрісі кең» отбасылар өнерін көрсету3 - бөлім – «Менің баламның болашағы…»

а) «Қылқалам шебері» атты тапсырма сайысы.ә) «Сазды өнер» атты тапсырма сайысы.Қорытынды

Тимбилдингтың барысы:

Өзін –өзі тану рухани адамгершілік білім беру бағдарламасының педагогикалық-психологиялық негіздері.

Сара Алпысқызы:

“ Өзін-өзі тану пәні адамның өзін-өзі тануына, өзінің ең жақсы қасиеттерін анықтауға, өз ар-ұжданын сақтап, әрқашанда АДАМ деген атқа лайық болуына ықпал етеді. Жалпыадамзаттық құндылықтарды оқыту – Өзін-өзі тануға” негізгі рухани жол болып табылады.

* «Руханияттың кәусар бастауына апаратын жолды іздеу-бүгінгі таңда өмір сүріп келе жатқан адамдардың әрқайсысының және баршамыздың басты міндетіміз екеніне сенемін»

Дәйексөз

«Бала үйде не көреді, соны үйренеді.

Ата - аналар соған үлгі».

(Себастьян Брант).

Түйіндеу: Егер ата - аналар өз баласына бұдан былай жаман үлгі болғысы келмесе, осы зиянды әдеттен бас тартуға шешім қабылдайды. Оны қалай істеуге болады деп ойлайсыздар?

Адамның жақсы өмір сүруіне үш қасиет негіз бола алады, олар барлығынан басым болатын-адал еңбек, мінсіз ақыл, таза жүрек. Бала кезден бастап адам бойында жоғары ар-ұят, өзін-өзі сыйлау сезімдерін тәрбиелеу, зиянды құмарлықтарды жоюға көмектеседі. (Ш.Құдайбердіұлы)

Әбу Насыр әл-Фараби:

Жаңа туылған нәрестенің ақыл-ойы, миы таза болады, қайырымдылық пен зұлымдықтың ешқайсысын таңдай алмайды, қайырымдылық адамның өмір сүру үдерісінде жиналады.

Адам дүниеге келгенде таза мектеп тақтасындай болады, тақта бетіне әр адам өз қолжазбасын жазып қалдырғандай кішкене нәрестенің де таза санасына өсе келе әр нәрсе жазылады

«Құндылықтар терегі» Ақиқат - құндылықтың түп тамыры.

Үнемі - түп тамырды сүйіспеншілікпен (су) суарып отыру керек. Ақиқатпен жүріп әр затқа сүйіспеншілікпен қарайтын болсақ, дұрыс әрекет

(ол ағаштың діңі) болады. Дұрыс әрекет болса, ішкі жан дүниемізде тыныштық (оны ағаштың жапырақтарына теңеуге болады) орнайды. Егерде өзіміздің ішкі сезімдерімізді басқара білсек, әр уақытта ар - ұждан даусымен өмір сүрсек, адам еш уақытта ешкімге, ешнәрсеге қиянат жасай (ағаштың жемісі) алмайды.

Бұл құндылықтар өзара бөлінбейді. Бір - бірімен тығыз байланысты.

2-бөлім – «Мен және менің отбасым»

а) «Сұрақ - жауап» сайысыә) «Өнерлінің өрісі кең» отбасылар өнерін көрсету

Бала тәрбиелеудегі ата-ананың ролі.

Әр отбасы – жеке мемлекет. Бұл мемлекеттің іргетасын қалаушы, оны басқарушы, отағасы – абыройлы әке. Отбасының мәдени - рухани, материалдық жағынан құлдырамай, мықты болуы әкеге байланысты. Ұлы күш пен сабырлықтың иесі болып табылатын да – әке. Әке өсиеті мен тәлім - тәрбиесінің маңызы ерекше. Қанша дегенмен, жүрегі жұмсақ аналарымыз кейде тым еркелетіп жібергенде, әкенің салмақты сөзі таза ауадай қажет.

Кей уақытта бала әкесіз өсіп, анасының тәрбиесінде болады. Алайда, баланың жігіт болып өсуі немесе қызға тән кейбір қасиеттерін бойына жинап өсуі де осыдан. Дегенмен, дұрыс бағытқа бағдарлау көп жағдайда абыройлы әкеге, үлгілі отағасына, қадірлі ел ағаларына байланысты.

Видеоролик көрсету «Соқыр Ана!»

Сұрақтар қойылып.

1. Осы көріністі біздің тақырыбымызбен қалай сәйкестендіруге болады?

2.Өз ойларыңды айтыңыздар!

ІІ. Алдымен ата-аналар және оқушылар сабағымызды бастамас бұрын мынандай ойын ойнап жіберейік. Бұл ойынды мынадай жұмбақтар шешу арқылы ойнаймыз

Әкелеріңнің әкесі сендерге кім болады?

Әкелеріңнің анасы кім болады?

Отбасының тірегі кім?

Үйдегі алтын қазық кім?

Өзі әкенің ізін қуатын, ал өзінің ізін артындағыларға қуғызатын, әке жоқ кезде әке орнына әке рөлін атқаратын кім?

Ағадан кейін өмірге қыз бала келсе кім дейміз?

ІІІ. Отбасы-адам баласының түп қазығы, алтын ұясы. Адам баласын шыр етіп дүниеге келген күннен бастап сол ортаның ыстық-суығына бейімделіп, ықпалына көніп, осында ер жетеді.

Отбасы-адамзат бесігін тербеткен баланың бас ұстазы. Ұлтымызда «Ұяда не көрсең, ұшқанда соны ілерсің» деген дана сөз бар. «Балапан қыран болу ү.шін оны самғатып…