Менің бақытты отбасым психологиялық жаттығуы

«Менің бақытты отбасым» атты ата-аналарға арналған тренинг

Мақсаты: Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.

Қатысқандар: Ата-аналар.

Кіріспе сөз: Қымбатты ата- аналар, сіздермен кездескеніме өте қуаныштымын. Алдымен өзіміз,отбасымыз туралы әңгімелеп, танысайық.

І. Танысу: Амандасу.

Психологиялық жаттығу : « Үй »Қажетті құралдар : А4 парағы, қарандашӨтілу барысы: Ата – аналарға ақ парақ пен қарандаштар беріледі.Тапсырма: Параққа үйдің суретін сал. Салған үйіңіздің 6 терезесі болу шарт. Үйді салып болсақ , енді сол терезелерге өз отбасыларыңыздың мүшелерін орналастырыңыз. ( Өз отбасыларын таныстырады)

ІІ.“Көңіл-күйімізді жаттықтыру” ойыныЖүргізуші: Бүгін мен сендерді актер болуға үйретемін. Мен сендерге нені көрсетіңдер десем, соны бет-әлпеттеріңмен бейнелейсіңдер.

Қабағы түйілген, ашулы адамның кейпі;

Қасқырдан қорыққан қоянның, ұядан түсіп қалған балапанның, мысықтан қорыққан тышқанның, иттен қорыққан баланың бет-әлпеті;

Жылап тұрған адамды көрсету;

Жәй күліп тұрған адамды және қатты күліп тұрған адамды көрсету;

Өлең айтып тұрған адамның сезімін көрсете білу

ІІІ.«Қызықты сұрақтар»1. Балаңыздың туылған күні?2. Сынып жетекшісінің толық аты жөні?3. Балаңыздың аяғының өлшемі?4. Балаңыздың парталасы кім?5. Балаңыздың сүйікті асы қандай?6. Балаңыз қандай түсті жақсы көреді?7. Балаңыз бірінші сыныпқа қай жылы барды?8. Балаңызды еркелеткенде қандай сөздер пайдаланасыз?9. Балаңызға ашуланғанда аузыңызға ең алдымен қандай сөз түседі?10. Балаңыздың ең жақын досы кім?

ІV. Қорытындылау «Тілек гүлі»

Мақсаты: Тренинг туралы пікірлерін ортаға салу.