Менің болашақ мамандығым журналистік бағыттағы мақала

Менің болашақ мамандығым

Әркім өз болашағын құрушы тұлға. Әр адамның өміріндегі ең маңызды, әрі жауапты таңдаулардың бірі – болашақ мамандықты таңдау. Әр адам бала кезінен армандаған немесе біреуге еліктеу арқылы, қызығушылығы ояну арқылы өз мамандықтарын таңдайды. Мамандық сөзіне тоқталатын болсақ, мамандық — бұл адамның қалыпты өмірін жүзеге асырудың негізгі буыны. Өмірде екі нәрседен қателеспеу керек деп жатады. Соның бірі - мамандық таңдау. Мамандық таңдау кезінде сіз өзіңіздің қабілетіңізді, дағдыларыңызды, қызығушылықтарыңызды ескеруіңіз керек. Бұл өте маңызды. Өмірінің барлық болашағы адамның өзі таңдаған мамандыққа байланысты болуы мүмкін.Сенің құлауың мен сүрінуің, жоғары жетістікке жету жолың мамандығына байланысып келеді. Қазақта Сен істі сүйсең, іс саған бас деген мақал бар, яғни мамандықты сүйіспеншілікпен таңдау керек. Қандай мамандық, сала болсын ол іс саған әрқашан қуаныш, қанағат әкелуі керек, сонда ғана ол нәтижелі және сәтті болады. Біз өз өмірімізді өз қолымызбен жасайтынымызды және оның қандай болатынын түсінуіміз керек.Сондықтан мамандық таңдау біз үшін маңызды мәселе.

Осының барлығын ескере отырып, мен де барынша дұрыс шешім қабылдауға тырыстым. Мен өз болашағымды журналистика мамандығы арқылы көремін. Болашақта осы салада жоғары деңгейдегі маман иесі болғым келеді. Иә, білемін, журналистика болу оңайға соқпайды, себебі журналистика – қиындығы мен қызығы қатар жүретін, көп ізденісті талап ететін сала. Журналистика мамандығы үнемі ізденісте болуды, жаңарып, жасарып отыруды қажет етеді. Кез-келген маман иесі болу ол қиынның қиыны. Сол үшін ешқандай қиындыққа қарамай, өз мақсаттарына жету үшін еңбек ету керек. Өзімді айтатын болсам, осы мамандыққа түсу үшін қазірден бастап еңбектенудемін, мысалы мақала жазып, газеттерге шығарамын, қазақ тілі және әдебиет пәнінен жиі олимпиада, эссе байқауларына қатысу үстіндемін. Менің ізденісім бойынша, жақсы журналист – ол алғыр, талапшыл, еңбекқор, жауапкершілігі мол, айтқан сөзі мәнді де сәнді, тыңдаушыны, тіпті, алғашқы сөздерден-ақ қызықтырып, тарта білетін адам. Міне мен де осындай болу үшін, өз-өзімді қолға алып, дайындықты бастаған болатынмын. Бірден өзгеру, өз-өзіңді дұрыстау, әрине, қиынға соғу мүмкін, бірақ болашағың үшін барлығын істеуге, өз-өзіңді жақсы…