Менің достарым өзін-өзі танудан сабақ жоспары 1 сынып

«Өзін-өзі тану» сабағының жоспары

Мектеп: Жетібай ауылының «№4 орта мектебі» КММ

Мерзiм: 29.11.18

Мұғалiм: Қожықбай Ф.Б.

Сынып: 1 «а», «ә», «б», «в»,

Оқушылар саны: 12

Тақырып: Менің достарым.

Құндылық: Дұрыс әрекет.

Қасиеттер: Сыйластық,жолдастық, татулық.

Мақсаты: оқушыларға адам өміріндегі достықтың маңыздылығын түсіндіру арқылы дұрыс әрекет құндылығының мәнін ашу.

Міндеттері:

Білімділік: оқушыларға достық ұғымының мәнін түсіндіре отырып, сыйластық қасиеті туралы түсінік беру;

Дамытушылық: оқушыларды өзара сыйластықпен қарым-қатынас жасауға баулу арқылы түсіністік қасиеттін дамыту;

Тәрбиелілік: оқушыларды достық жолында өзара түсіністікке, сыйластыққа, адалдыққа тәрбиелеу.

Ресурстар: (құралдар, мәлiметтер)

Оқулық, дәптер

Сабақ барысы:Ұйымдастыру кезеңi. 5Т ережесі:

Тәртіп

Талап

Тазалық

Тыныштық

Татулық

Сабақ барысын талдау:

Дәйексөз.

«Жақсымен жолдас болсаң, жетерсің мұратқа».

Мақал

Мақалды оқу және талдау.

Оқиғаларды әңгiмелеу (сұхбат)

Құмырсқа

Бір құмырсқа өз илеуіндегі тобынан бөлініп, сол маңдағы ара, қоңыз секілді жәндіктермен дос болыпты. Бірде жем іздеп шыққан құмырсқа жол үстінен бір дән тауып алады. Жалғыз өзі әрі-бері әуреленіп, дәнді орнынан қозғалта алмапты. Содан соң көмек сұрап өзінің қанатты достарын іздейді.

Бір уақытта гүлден гүлге қонып, шырын жинап жүрген араға жолығады.

- Досым, бір дән тауып алып едім,жалғыз өзім көтере алмадым. Маған көмектесіп жіберші, - деп өтінеді.

- Көрмей тұрсың ба, мен де жұмыс істеп жатырмын ғой,- деп ара көнбей қояды.

- Солайы солай ғой, мейлі, - деп құмырсқа әрі жүріп кетеді.

Ол енді қоңызды тауып алады. Мән-жайды айтып, көмек сұрайды.

- Сен үшін өз еңбегімді еш қыла алмаймын, - деп қоңыз ызыңдап ұшып кетеді.

Достарынан күдер үзген құмырсқа мұңайып келе жатады. Жолда өзінің илеулестерімен ұшырасып қалады. Олар мұның түрін көріп:

Саган не болған? Не істеп жүрсің? – деп жөн сұрайды.

Құмырсқа басынан кешкен оқиғасын баяндап береді.

Жалғыздық деген сол, - деп илеулестері құмырсқаны жұбатып, дәнін көтерісіп, әрі алып кетеді. Осылай құмырсқа үйіріне қайта қосылады.

«Жаңа достың қадірі ескі достың қадіріне жетпейді» деген екен сонда бір кәрі құмырсқа.

Ара мен қоңызды нағыз достар деуге бола ма?