Менің достарым тақырыбы бойынша 1 сынып сабақ жоспары

Тексерілді: _______________

Пән: Өзін – өзі тану

Мектебі: ____________________

Күні: _______________

Мұғалімі:

Сыныбы: 1

Оқушылардың саны:

Тақырыбы: Менің достарым

Құндылығы: Сүйіспеншілік

Қасиеттері: достық, бауырмалдық, татулық.

Мақсаты: Оқушыларға адам өміріндегі достықтың маңыздылығын ұғындыру арқылы сүйіспеншілік құндылығының мәнін ашу.

Міндеттері:

1. Білімділік: Оқушыларға достық ұғымының мәнін түсіндіре отырып, бауырмалдық қасиеті туралы түсінік беру.

2. Дамытушылық: оқушыларды өзара сыйластықпен қарым-қатынас жасауға баулу арқылы достық қасиетін дамыту.

3. Тәрбиелік: оқушыларды достық жолында өзара татулыққа тәрбиелеу.

Ресурстар:

(материалдар, дереккөздер)

Сабақтың барысы:

1. Ұйымдастыру кезеңі.

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үй тапсырмасын тексеру.

№12 – сабақ. «Құмырсқа» ертегісін үлкендердің көмегімен оқып келу.

Сұрақтар:

1.Кәрі құмырсқаның айтқанын қалай түсінесіңдер?

2.Ара мен қоңғызды нағыз достар деп айтуға болама? Неліктен?

3.Оларда доқа тән қандай қасиеттер болмады ?

4.Достарың көмек сұраса, өздерің не істер едіңдер?

3. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

« Жақсымен дос болсаң, жетерсін мұратқа»

Сұрақтар:

1. «Жақсы жолдас» деп қандай адамды айтамыз?

2. Дәйексөзден қандай ой түйдіңіз?

4. Оқиға айту (Мұғалім сыйы).

Атасының ақылы

С. Сейтенов

Төкенмен келісе алмай қалушыедің, қазір араларыңнан қыл өтпейтін болыпты ғой, Еркінім?! – деді бірде атасы.

– «Қыл өтпейді » дегенге түсінбедім, ата? – деп таңырқады немересі.

– Тату - тәтті дос болыпсың дегенім ғой.

– Кездескен сайын кәмпит берсе, онымен кім дос болмайды!

– Мен ешкіммен тамақ үшін дос болып көргенім жоқ, балам. Достықтың тамыры тереңде. Адал, ақылды балалармен дос бол, балам! Адамға жақсылық жасаудың өзін бақыт санайтын адамдармен ғана дос бол, – деді атасы сонда.

Сұрақтар:

Атасы Еркінге қандай ақыл берді?

Сендер нағыз достықты қалай түсінесіңдер?

Сен досыңды қандай қасиеттері үшін жақсы көресің?

Достардың арасында қандай сүйіспеншілік болуы тиіс деп ойлайсыңдар?