Менің достарым тақырыбына сабақ жоспары 1 сынып

«Өзiн-өзi тану» сабағының жоспары

Мектеп: «Достық» ЖОМ

Мерзiм: 19,20,22,.11.2018ж 11 сабақ

Тақырып: «Менің достарым»

Құндылық: дұрыс әрекет

Қасиеттер: достық, түсіністік, сыйластық

Мұғалiм: А.Алиханова

Cыныбы: 1 «а,ә,б,в,д»

Сабақ мақсаты:

Оқушыларға адам өміріндегі достықтың маңыздылығын түсіндіру арқылы дұрыс әрекет құндылығының мәнін ашу.

Міндеті:

- оқушыларға достық ұғымының мәнін ұғындыра отырып, сыйластық қасиеті туралы түсінік беру.

- оқушыларды өзара сыйластықпен қарым-қатынас жасауға баулу арқылы түсіністік қасиетін дамыту;

- оқушыларды досың құрметтей отырып, достыққа, түсіністікке, сйыластыққа тәрбиелеу.

Ресурстар: (материалдар, дереккөздер)

Кітап, дәптер, үнтаспа, ақ қағаздар, нақыл сөздер, слайд, сурет, шар, гүл, жүрекше,электронды оқулық.

Сабақ барысы:

Ұйымдастыру кезеңi

Сәлемдесу, оқушылардың көңіл - күйін сұрау, сабаққа қатысуды тексеру.

5 Т ережесін қайталау

Тыныштық сәті . Нұрға бөлену. Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңіз ге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашу да. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқындап және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге,достарыңызға, таныстырыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олар- дың да жүрегі нұрға толсын.Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз.Ойша айтыңыз:

«Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз.. Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет!

Сабақ барысын талқылау:

Оқушылардың емін – еркін дұрыс отыруын қадағалау

2. Дәйексөз

«Жақсымен жолдас болсаң, жетерсің мұратқа»

-Жақсымен жолдас болсаң, өзіне жақсы боласың, ал жаманмен жолдас болсаң жаман боласың. Сондықтан сендер кіммен жолдас болғанын қайлайсыңдар? Әрине жақсымен дос болу керек, сонда ңана сендер дұрыс ірекет жасайсыңдар, ал дұрыс әрекет…