Менің достарым тақырыбына арналған мектепке дейінгі сабақ жоспары

Ересектер тобындағы ұйымдастырылған оқу қызметінің

технологиялық картасы

Білім беру саласы: шығармашылық

Тақырыбы: «Менің достарым »

Мақсаты: Сабақтың мақсаты: Баланың өзін - өзі тануына, достарын бағалауға, құрметтеуге үйрету, досының айтқанын аяғына дейін тыңдауға, кез келген уақытта көмектесе білуге тәрбиелеу. Ойындар арқылы есте сақтау, ойлау қабілетін, сөздік қорын дамыту.

Қолданылатын көрнекі құралдар суреттер, шарлар, гүлдер, жұмсақ ойыншықтар, кірпіштер (сурет жапсырылған), бетперде (ит), кеспе әріптер, айна, түрі - түсті бояулар, дидактикалық, қисынды ойындар.

Іс- әрекет кезеңдері

Педагогтың іс- әрекеті

Балалардың іс- әрекеті

Мотивациялық- қозғаушылық

Шаттық шеңбері.Балалар: Армысың шұғылалы нұрлы күн!Армысың мейірімді жер – ана!Сәлеметсіздер ме қонақтар.Бәріміз күндей жарқырайық!Бәріміз тату – тәтті болайық!

Ертегіні тыңдайды.

Өздерінің көңіл күйлерін білдіреді.

Ұйымдастырушылық ізденістік

Балалар бүгінгі сабақтың тақырыбы «Менің достарым» - деп аталады.Дос, достық дегеніміз адамдар арасындығы жақсы қарым - қатынасты, бір - біріне деген сүйіспеншілік, жанашырлық сезімін айтамыз.Достар бір - бірін ренжітпейді, керісінше нағыз достар бір - бірін құрметтейді, сыйлайды, кешірімді болады.Достық сезім тек қана адамдар арасында емес, ел мен елдің арасында да болады. Мысалы біздің Қазақстан Республикасы басқа мемлекеттермен достық қарым - қатынаста. Балалар сендер де бір - бірлеріңді ренжітпей тату - тәтті ойнасаңдар, бір - біріңе сыйлы болыңдар, сендерде де достық сезім пайда болады.

Таңғажайып сәт: (Осы кезеңде топқа есікті қағып Дымбілмес кіріп келеді) Балалар қараңдар бізге қонақ келіпті. Бұл кім болды екен?Дымбілмес сен неге есікті қатты қақтың?. Сені біреу ренжітті ме?Дымбілмес: Менімен ешкім сөйлеспейді, ойнамайды, ешкім дос болмайды. (Дымбілмес жылайды). Балалар қалай ойлайсыңдар. Дымбілмеспен неге ешкім дос болмайды?Балалар:.Балалар дұрыс айтады. Осындай жаман қылықтарың үшін ешкім дос болмайды. Сен жаңа балалармен амандасқан жоқсың ғой.Дымбілмес: Мен сәлемдесуді білмеймін. Маған оны ешкім үйреткен жоқ. Балалар достық сәлемдесуден басталады. Қанекей біз Дымбілместі сәлемдесуге үйретейік.Ойын: «Сәлемдесу»Балалар екі - үш жұптан бір - біріне қарап, әр түрлі елдің, адамдардың сәлемдесу рәсімін көрсетеді. Балалар, Дымбілместі өзіміздің «Шеберханамызға» шақырайық.

Біз бүгін Дымбілмеске естелік ретінде «Ғажайып суреттерімізді» салып, сыйға тартамыз.