Менің кітапханашылық қызметім кітапханашыларға эссе үлгісі

Шығыс Қазақстан облысы Көкпекті ауданы

Мамай ауылы

«Амангелді атындағы орта мектебі»КММ

«Менің кітапханашылық қызметім »

ЭССЕ

ХХ ғасырдың 80-жылдарында Семей мәдени ағарту училищесін бітіріп, жаңа ғана кітапханашы болған кезде, дәл бүгінгідей тақырыпта ЭССЕ жазамын деген ой қаперіме де кірмеген болар. Өткен еңбек жолымды ойлап, көп толғанамын. Еңбек жолымды Мамай елді мекеніндегі ауыл кітапханасында кітапханашы болудан бастадым. Алғашқы қиыншылықтардың бәрі де өз кезегімен өтіп жатты. Мен үшін ол кезде училище қабырғасында оқытқан ұстаздардың тәжірибесінен артық әдіс болмады. Жұмыстарымды сол ұстаздардың әдіс-тәсілдеріне ұқсатып өткіздім. Ол кезде біздің ұстаздарымыз, сол ұстаздардан тәлім-тәрбие алған біздер сол заманның талабына сай жұмыс істедік. Алғашқы күннен бастап ауыл адамдарымен, жастарымен тіл табысып кеттім. Жастық жігермен ауылдағы барлық мәдени іс-шараларға белсене қатыстым. Өзімді сол кездегі белсенді жастардың қатарына жатқыздым. Бірақ уақыт бір орнында тұрмайды екен. Заман өзгермелі ғой. Заманның өзгеруіне байланысты бір кездердегі кеңшарлар тарап, ауыл кітапханасы да өз жұмысын тоқтатты. Сөйтіп, мен мектеп кітапханасына кітапханашы болып орналастым. Өзгермелі заман көшіне ілесе отырып, келмеске кеткен қызығы мол студенттік жылдарды, одан бері алғашқы кітапханашылық қызмет еткен кезеңдерді

Қазір ХХІ қасыр. Ол – руханият, мәдениет, ақпарат ғасыры. Қоғамның тұрақты дамуында мәдениеттің алар орны зор деп ойлаймын. Кітапхана – рухани-мәдени тынысымыздың өзекті мәселелерінің бірі. Мектеп кітапханасы – мектептің жүрегі, бір бөлігі. Ал кітап пен кітапхананың тіршілігіне жан беретін – біздер, яғни кітапханашылар. Қасиетті қазынамызды көздің қарашығындай сақтап, насихаттау – кітапханашылардың міндеті. Ақпарат ғасырында, ақпараттандыру технологиясы дамыған заманда мектептің мақсаты – заман талабына сай білімді, жан-жақты ойлай білетін, өз елінің, халқының қамын жейтін, қоғамды алға қарай дамытатын ұрпақ тәрбиелеу болса, оған кітапханашы ретінде мен де өз үлесімді қосудамын. Мектеп кітапханасына жиі келетін және оқуды сүйетін оқушылар кітапханашының өз жұмысына деген тұрақтылық пен сенімділікті нығайтады. Белсенді оқырмандар кітапханашының барлық жұмысына көмектесіп, кітапхана шараларын дайындауға атсалысады. Оқырман белсенділерін ұйымдастыру – кітапханашы жұмысының маңызды түйіні. Әр кезде библиографиялық жұмыстарды ұйымдастыруды алдыңғы қатарға қоямын. Жаңа түскен…