Менің мамандығым тәрбиеші тақырыбындағы эссе үлгісі

ЭССЕ «Менің педагогикалық филасофиям»

«Балам дейтін ел болмаса,елім дейтін бала қайдан болсын»

Ахмет Байтұрсынұлы.

Мен үшін де осынау өмірімдегі ең қастерлі әрі қасиетті мамандық ол –тәрбиешілік. «Жол таңдауда жалтаңдауға болмайды» дегендей,әу баста ұлтымыздың,тәуелсіз еліміздің ертеңгі болардық бүлдіршіндерді тәрбиелеу жолын таңдағаныма еш өкінбеймін.Керісінше,ауыртпалағы мен жауаптылығы қырық атанға жүк боларлық осы кәсіпті таңдау арқылы қоғамдық дамуға өлшеусіз үлес қосып келе жатқанымды мақтан етемін.Адам баласының өмірінде болуға тиісті бақыттың бірі не десек,ол-өз қалауыңмен таңдаған кәсіп-мамандығыңа деген салиқалы ынтызарлық әрі ыстық ықылас дер едім.Өз еңбегіне жан-тәнімен берілген жан ғана өмірдің мән-мағынасын,қоғамдық ортадағы жауапкершілікті,тұтастай ұлттың ертеңіне қоса алар өзіндік үлесін тереңнен салмақтай алса керек. Бір сөзбен айтқанда,өмірдің мәні адал әрі мағыналы,жемісті әрі нәтижелі еңбекте жатқандығын түбегейлі түйсіне алған әр адам биікке бастар жолдың қадірін салмақтай біледі.қалаған ісіңе ғашықтық пейілмен қарай білсең,өмірден өз орныңды тапқандығың!Мұндай философиялық қағида бағзыдан қалыптасқан жоғары адамгершіліктік ұғымдармен астасып жатыр. «Кәсібің-несібің» дейді қазақ даналығы.Ал,тәрбиеші болу-айтуға ғана оңай шаруа болғанымен, бұл мамандықтың қоғам үшін қаншалық

Тіл арқылы бала бойына ұлттық құндылықтарды,дәстүр мен салтты,ұлтымызға тән ізгіліктерді,жалпы адамзатқа ортақ өркениеттік ұстанымдарды жұғысты етудеміз. «Ұстаздық еткен жалықпас,үйретуден балаға» деп ұлы Абай атамыз айтқандай,менің де осынау қастерлі мамандықтардың иесі атанғаныма уш жыл,төрт ай болыпты. Қиындығы мен қызығы,ауартпалығы мен жауапкершілігі қатар жүретін осы еңбектің жолындағы педагогикалық ұстанымым-үнемі жаңалыққа ұмтылып,алдыңғы қатардан көріну және әр тәрбиеленушімнің бойынан жылт еткен жақсылықты,талап пен талантты тауып,бұлақтың көзін ашу,биікке жетелеу, сондай ізденістер арқылы биік мақсаттарды орындау. Сондықтан да бұл іс екінің бірінің қолынан келе бермейді.Өйткені, бұл-бала жанын тереңнен сезінетін,өз ісін жан-жақты білетін,бүлдіршіндерді жан-тәнәмен сүйе алатын,оларды бағалай білетін нағыз маманның қолынан ғана келетін жұмыс.

«Әлем»МДҰ тәрбиешісі: Косаева Нұргүл Сандибекқызы