Менің мамандығым туралы ойтолғау материалы

Менің мамандығым

Өмірде мамандықтың түрі өте көп. Әр адам өмірінде бір мамандықтың иесі болуға тиіс. Ол үшін көп еңбектену керек. Ең алдымен адам өз мамандығының қыр сырын үйренуге міндетті. Қай мамандық болсын, адамға көптеген талаптар қояды. Қазіргі заманда болашақ мамандықтарға қоятын талаптардың бірі - оның теориялық білімі мен іскерлік қасиетін ұштастыра білуі. Сонда ғана ол жақсы жұмысқа орналасып, жұмыссыз қалмауы мүмкін.

Өзім Құқықтану мамандығында оқимын. Мамандығым өзіме ұнайды. Алғашқы екі курста біз жалпы пәндерді оқыдық. Үшінші курста мамандық бойынша пәндер басталды. Мен оқып жатқан оқу дәстүрлі әдіспен оқытылады. Және тағы бір Құқықтану мамандығының тобы дуалды деген әдіспен оқиды. Дәстүрлі әдісте теорияны тереңірек оқимыз. Ал тәжірибеге біз үшінші курста бардық. Мен тәжірибеден Маңғыстау облыстық сотынан өттім. Ол жерде мен сот төрағасының хатшысының көмекшісі болып, көптеген нәрселерді үйрендім. Осы жерде айта кетерім, теорияда оқыған білімімді практикада ұштастыру мүмкіндігі туды. Бұрын құжаттардың үлгісін, қалай толтырылуын сабақ барысында үйреніп көрсем, практикада сол құжаттармен көз бе көз таныстым. Теория әр білімның фундаменті, яғни алғашқы кірпіші сиақты дер едім ал практика сол кірпішті әрі қарай қалап, жүзеге асыру деп ойлаймын.

Заңгер мамандығы, теорияныда, практиканыда талап ететін мамандықтардың бірі. Білім алып жатқан колледжімде, мамандығым бойынша теорияны да практиканыда жақсы қамтып, сапалы білім алдым. Ендігі алда тұрған үлкен іс - ол дипломымызды алып, оқыған білімімізді, жинаған тәжірибемізді жүзеге асыру. Маған өз таңдаған мамандығым ұнайды, осы мамандықтың білікті маманы болатыныма сенімім мол.

Құзылғұлов Азамат

ЖШС "Каспий өңірі "Болашақ" колледжінің

"Құқықтану" мамандығының

3 курс студенті

Ақтау қаласы