Менің мектепке қажеттілігім бар тақырыбындағы эссе үлгісі

Эссе

Менің мектепке қажеттілігім бар. Себебі ... Мен күрделі мамандық иесі-жан бапкерімін. Табиғаттан нәр алып, жердің көркі саналып, айналаға еркелей, наздана қарайтын раушан гүліне қараңызшы. Құдды, мөп-мөлдір суды, саф таза ауаны сүйетін, мейірім-шуақ аңсайтын жас бала тәрізді. Екі дүние, екі ғұмыр. Тағдырлас тіршілік иелеріне қарап, ойға қаласың.

Жас өскіннің бой алып кетуі үшін оның топырағы ылғалды және құнарлы болуы керек. Ал бала жанұя жарасымдылығын көріп, ата мен ана әлдиіне тербеліп өседі. Гүлге ылғалдылық пен құнарлылық қаншалықты қажет болса, балаға да отбасы ынтымағы мен әлеуметтік жағынан қамтамасыз етілуі соншалықты қажет. Гүл қуат алатын күн шуағы мен таза ауа жеткілікті болса, ол құлпырып жайнай түседі. Қоршаған орта мен тәрбиешінің оң ықпалындағы жеке тұлға тап сондай күй кешеді.

Егер өсімдік қараусыздықтан мутацияға ұшыраса, бала да қамқорлықтың жоқтығынан тәрбиенің жетімсіздігінен рухани мутацияға кезігеді. Бұл қай-қайсысына да қиын соғатын жағдай. Кем- құтықты толтыру үшін адам әрекетке көшеді.Өсімдікті миграция жасау жолымен, ал баланың сана-сезімін миграциялау арқылы тығырықтан шығатын жол іздеуге болады. Бірақ бұл ұзаққа созылатын процесс.

Сондықтан ақаулық жіберіп алмас бұрын «Дүниедегі ең артық құрметті тіршілік иесі-Адамға» (кабуснама) құрметпен қараған жөн. Адам үлкен әлемге биологиялық дене ретінде кіреді және оған әсер ететін қамқорлық , ішкі психологиялық және физикалық жағдайлар болып табылады. Ақырындап өз «Мені» қалыптасуы арқылы әр жеке тұлғаның ерекшелігі байқалады.

Әрбір бала - өзінше бір әлем,дара дүние. Көзге көрінбейтін, онша еленбейтін кейбір әрекеттің соншалықты салмағы барын кейде байқамай қалып жатамыз. Бала әлемнің сырына терең бойлап, жан сарайындағы құпияны ұғына біліп, қоғамда өмір сүруге психологиялық тұрғыдан дайындау-тек психолог маманның еншісіне бұйырған ақиқат дүние.

«Дүниеде теңіз терең емес, адамның жаны терең» (М.Жұмабаев) екендігін ескерсек, тұңғиық түпсіз тереңге бойлау одан да қиын болатынын сеземіз. Сондықтан адамның ішкі жан дүниесіне үңіле отырып, қабілет-қарымын, болмысын,ішкі мүмкіндігін ескеру арқылы кездесетін сәтсіздіктерге жол бермеу, психологиялық саулығын дамыту және сақтау, нығайту-менің мектеп психологы ретіндегі жауапты жұмысым.

Мен оқушылардың жан-жақты және үйлесімді дамуына тікелей ықпал ететін маман болғандықтан, өз іс-әрекетімді педагогикалық ұжыммен, дәрігермен, әлеуметтік педагогпен, дефектолог және қоғам өкілдерімен тығыз байланысты жүргіземін. Балаларға психологиялық сауықтыру,диагностикалық қызмет көрсетіп, түзете-дамыту сабақтарын өткізіп, кеңес беру-менің жұмысымның жауапты бөлімдері. Біздер атқаратын мектептегі психологиялық қызмет жұмысының тиімділігі – балалар мен жасөспірімдердің психикалық және психологиялық тұрғыдан толыққанды жеке адам болып қалыптасуына, олардың қабілеттілік деңгейлерін, бейімділігін,