Менің ойыншықтарым балабақшадағы ашық сабақ

Білім беру саласы: Қатынас. Оқу қызметі: Сөйлемді дамыту. Тақырыбы: Менің ойыншықтарым. Ашық оқу қызметінің мақсаты: Ойыншықтардың атын, түсін және қандай заттан жасалғанын атау. Балаларды сөзді анық айтып, дұрыс сөйлей білуге баулу, сөздік қорларын дамыту. Олармен қалай ойнау керектігін түсіндіріп, ұқыптылыққа, эстетикалық талғамдарын кеңейту. Ойыншықпен ойнауды, сындармауды және ойнап болған соң жуып сүртіп орнына жинауды үйрету. Көрнекілігі: Әр түрлі ойыншықтар, ойындар,слайд сызбасы. Әдіс – тәсілдер: Әңгімелету, түсіндіру, көрсету және сергіту. Сөздік: Ағаштан, матадан, резеңкеден.

Тәрбиеші:Қайырлы таң балалар !Балалар бәрің маған қараңдаршы. Барлығың қандай әдемі болып кеткенсіңдер. Тәрбиеші:-Балалар, бүгін ерекше күн. Бүгін бізге қонақтар келіп отыр,қонақтармен амандасайық Қонақтармен амандасу Тәрбиеші:Балалар, қане , бәріміз шеңбер құрып, қол ұстасып тұрайықшы. Балалар шаттық шеңберге тұрады .

Шаттық шеңбері: Амансың ба,Алтын күн ! - Амансың ба,достарым! -Амансың ба,апайлар! Тілейміз сіздерге жарқын күн. Бәрі бірге қосылып айтады.

Тәрбиеші:-Ой жарайсыңдар.Енді жайғасып отырамыз. Тәрбиеші :- Балалар, сендер балабақшада, үйде не істейсіңдер? Балалар: - Ойнаймыз Тәрбиеші:- Немен ойнайсыңдар? Балалар:- Ойыншықпен ойнаймыз Тәрбиеші:- Қараңдаршы, біздің тобымызда ойыншықтар көп екен. Мұндай түрлі ойыншықтар бізге ойнау үшін керек Тәрбиеші: Қане, балалар сүйікті ойыншығымызды атайықшы. Балалар: Қуыршақ, машина, доп т.б. Тәрбиеші: Балалар саяхатқа шыққанды ұнатасыңдар ма? Балалар: Ия,ұнайды. Тосын сәт: Осы кезде Айдана жылап келеді ойыншығын жоғалтып алыпты.Көмек сұрап келіп тұр. Тәрбиеші: Балалар Айданаға көмектесеміз ба ойыншығын тауып беруге және ойыншығын табу үшін өзімізбен бірге саяхатқа алып шығамыз ба? Балалар: Ия, алып шығамыз. Тәрбиеші: Жарайсыңдар балалар ендеше ойыншықтар әлеміне саяхатқа жол тартайық. Үш столда ағаштан, резеңкеден және пластмасса мен шүберектен жасалған ойыншықтар тұрады.Балалар мына жердегі не екен қарайықшы жаймендеп бетін ашайықшы және Айдананың ойыншығын іздейік?

Балалар: Ия қарайықшы. Тәрбиеші: Балалар мынау қандай ойыншық? Түсі қандай? Пішіні қандай? Неден жасалған? Айдана осының ішінде сенің ойыншығың бар ма? Айдана : Көре алмай тұрмын өз ойыншығымды. Балалар: Бұл доп. Пішіні дөңгелек. Резеңкеден жасалған. Түсі көк.

Тәрбиеші: Жарайсыңдар, ендеше мына столдағына көрейік. Мынау қандай ойыншық? Пішіні қандай? Неден жасалған? Түсі қандай? Айдана осының ішінде сенің ойыншығың бар ма? Айдана: Мына ойыншықтардың ішінен таба алмадым. Балалар: Домбыра. Сопақ пішінді. Ағаштан жасалған.Түсі қоңыр.

Тәрбиеші: Үшінші столды қарайықшы Балалар мынау қандай ойыншықтар? Неден жасалған? Түстері қандай? Айдана осының ішінде сенің ойыншығың бар ма? Айдана : Алақай, менің ойыншығым табылды. Мынау менің ойыншығым. Балалар рахмет сендерге ойыншығымды табуға көмектескендеріңе. Тәрбиеші: - Ал балалар сендер шаршап кеткен боларсыздар сергіту жаттығуын жасап жіберейік.

Сергіту жаттығуы «Топ – топ» жаттығу.

Енді орнымызға жайғасайық. Тәрбиеші: Жарайсыңдар балалар әр түрлі ойыншық түрлерін көрдік. Бұлар жай ойыншықтар емес сиқырлы ойыншықтар. Ендеше балалар ойыншықтар түрлерін көрдік, сипаттама бердік.Енді ойыншықтар өздері туралы айтып береді.Теледидардағы слайдқа қарайықшы балалар. Мақсаты: Көгілдір экраннан көрген слайд сызбасына сүйене отырып ойыншықтарды сипаттауға үйрету, заттың түсін, пішінін, қалай сипаттауға болатынын айтады көлемін ажырата білу біліктілігін қалыптастыру.

Енді ойындар ойнаймыз. 1 «Қандай ойыншық жетіспейді?» ойыны Ойын шарты: суретте қандай ойыншықтын жетіспейтінін тауып,жетіспейтін жерге жабыстыру. 2. « Көлеңкесінен табу» ойыны. Ойын шарты:Суретте ойыншықтардың көлеңкесі салынған.Қасында сол суреттердің анық бейнесі бар.Сол ойыншықты суреттегі көлеңкесімен сәйкестендіріп тауып,жабыстыру керек.

3. «Ойыншықтарды түсіне қарай ажырату» ойыны. Ойын шарты:Тақтада қызыл,сары,жасыл түс орналасқан. 3 түсті ойыншықтар бейнеленген суретті осы түстерге ажырату.

4. «Ойыншықтың суреттерін құрастыру» ойыны.