Менің Отаным Қазақстан балабақшаға арналған сценарий

Тақырыбы: «Менің отаным – Қазақстан!»

Мақсаты: Балаларға Қазақстан елі жайлы білімдерін дамыту.

Міндеттері: Мемлекеттік рәміздерді құрметтеуге үйрету; ту, елтаңба, әнұран туралы білімдерін бекіту; балалардың отанға деген патриоттық: сүйіспеншілік, мақтаныш, сыпайылық сезімдерін дамыту.

Көрнекіліктер: Әнұран, конверттер, карта, ән әуені.

Сабақтың барысы:

(Ән әуеніне балалар топқа кіріп, шеңбер жасап тұрып, бір – бірімен амандасады)

Тәрбиеші: Сәлеметсіңдерме, балалар. Бүгінгі біздің сабағымыздың тақырыбы «Менің отаным Қазақстан!». Сабағымызды бастамас бұрын алдымен сендерге бір сұрақ қояйын. Әнұран дегеніміз не? Ол туралы не айта аласыңдар?

Балалар: Әнұран – қадірлі ән, мемлекетіміздің рәміздері. Әнұран орындалған кезде, орнымыздан тұрып тыңдаймыз.

(Әнұран орындалады)

Тәрбиеші:

- Еліміздің басты рәміздерін атаңдар?

- Ту туралы не білесіңдер?

- Елтаңба туралы не білесіңдер?

- ҚР мемлекеттік тілі?

(Балалар сұрақтарға жауап береді)

Тәрбиеші: Топта жасырынып тұрған конверттерді тауып алыңдар.

(Балалар конверттерді бір – бірден алып, дөңгелене тұрады).

Кәне, қарайық, конвертте не бар екен?

(ту, елтаңба, әнұран, астана, президент)

Балалар әрқайсысы өз конверттеріндегі суреттері жайлы айтады.

Тәрбиеші: Балалар бізге біреу асығып келе жатқан сияқты.

(Топқа Алдар көсе кіреді)

Алдар көсе: Сәлеметсіңдер ме, балалар! Мен қайда келдім?

Тәрбиеші: Сен «Астана» бөбекжайына келдің.

Алдар Көсе: Бөбекжайға? Балалар, мен көптен бері бөбекжайға келсем деп армандап жүрдім. Біз тұрып жатқан ел қалай аталады?

Балалар: Қазақстан.

Алдар көсе: Қазақстан деген не?

Балалар: Біз тұрып жатқан ел! Туып – өскен жеріміз, отанымыз.

Алдар көсе: Отанымыз дейсіңдер ме? Ал, онда Отан туралы кім тақпақ біледі?

Малика: Отан менің ата анам

Отан досым бауырым.

Отан өлкем Астанам

Отан туған ауылым.

Алдар көсе: Жарайсың, Малика. Өте жақсы айтады екенсің. Басқа елден Қазақстанның айырмашылығы қандай?

Балалар: Тілімен, рәміздерімен, тарихымен, салт дәстүрімен.

Тәрбиеші: Біз өте үлкен, әдемі елде тұрамыз. Бұл біздің үлкен Отанымыз. Балалар мен сендерді және біздің қонағымызды Қазақстанға саяхат жасауға шақырамын. Бірақ саяхатты немен жасасақ екен?

Алдар көсе: Мен білемін. Менде бір байды алдап, алып кеткен сиқырлы кілем бар. Сонымен ұшайық.