Менің Отаным Қазақстан тақырыбындағы сабақ жоспары

Сабақтың тақырыбы

Қазақстан – менің Отаным

Ортақ тақырып

Менің туған өлкем

Жалпы мақсаты

2.1.3.2. Қазақстанның картасынан өз облысыңды, ірі өзендерді, қалаларды және ірі жолдарды көрсету

Күтілетін нәтижелер

Оқушылар:

– Отанын ел ретінде және шағын Отан туралы түсініктерін ажыратады; «Біздің Отан – Қазақстан» және «Менің шағын отаным» ұғымдарын түсіндіре біледі:

– картадан Қазақстанды, өз елді мекенін, географиялық нысандарды (Каспий теңізі, Алтай таулары, қалалар мен өзендерді) көрсете алады;

– қарым-қатынастық дағдыларды дамыта отырып, жұптасып жұмысты орындайды;

– сыныптасының жұмысын бағалайды;

– өз Отанына деген сүйіспеншілік сезімі оянады.

Жетістік өлшемдері

Оқушы мақсатқа қол жеткізеді, егер де:

– жаңа білімдерді игерсе; оқулықты, өмірлік тәжірибесін және сабақта алған ақпаратты пайдалана отырып, сұрақтарға жауап берсе;

– Қазақстанның картасынан өз елді мекенінің орнын және басқа да нысандарды көрсетсе, олардың географиялық жағдайын қысқаша сипаттаса;

– Қазақстанның картасынан географиялық нысандарды көрсетсе және сипаттаса;

– сабақ үстінде жұптық жұмысқа белсенді қатысса.

Оқушы оқытудың мақсатына жетуге тырысады, егер де:

– Қазақстанның картасынан өз елді мекенінің орнын шамалап көрсетсе;

– өз Отаны – Қазақстанға деген қарым-қатынасын қысқаша сипаттау

арқылы анықтаса;

– жұптасып жұмысты орындауда сыныптастарымен тіл табысса.

Оқытудың әдістері мен тәсілдері

«Сиқыр сөз», «Сөйлемді аяқта» тәсілдері, жұппен жұмыс, синквейн.

Көрнекі құралдар

Мұғалімге: «Қазақстанның физикалық картасы», Қазақстанның жалауы.

Оқушыға: оқулық, жұмыс дәптері.

Кілттік сөздер және ой-пікірлер

Менің Отаным – Қазақстан. Қазақстанға саяхат

Сабақтың барысы

Уақыт

Сабақтың өту кезеңдері

Мұғалімнің іс-әрекеті

Оқушының іс-әрекеті

2 мин

Ұйымдастыру кезеңі

Мұғалім оқушылармен: «Қайырлы күн, құрметті оқушылар!» деп сәлемдеседі.

Көңіл күйіміз қандай?

Оқушылар мұғалімге: «Қайырлы күн!» деп сәлем береді.

Қасыққа өздерінің көңіл күйлерін салып көрсетеді.

3 мин

Сабақтың мақсатын қою кезеңі

«Граффити» миға шабуылы стратегиясы.

Жұптық жұмыс

Бұл барлық оқушыларды тартуға ыңғайлы. Оқушылар жазудың орнына сурет салуды таңдай алады. Сыныптың әр жеріне флипчартқа немесе A3 парағына «Отан» тақырыбына қатысты бірнеше сөзді жазып қойыңыз. Оқушылар топтарға бөлініп, сағат тілімен қозғалып берілген атауға қатысты түсініктерін жазып, сурет салады. Барлық жұп әр параққа өз үлестерін қосқанша жалғасады. Әр жұпшолып өткеннен кейін бір жұп жазылған ақпараттар бойынша қорғайды.

Дескриптор

-Өз ойларын жаза алады;

-Сөздердің мағынасын түсіндіре алады.

Менің сүйікті Қазақстаным!

Сен – менің аспанымсың! Сен – менің жерімсің!

Сен – менің күнімсің! Сен – менің жұлдызымсың!

Сен – менің Отанымсың! Менің сүйікті Қазақстаным!

Балалар! Бүгінгі сабағымыз қандай тақырыпқа арналады? Шағын Отан дегеніміз не деген сұраққа қалай жауап берер едіңдер?

Шағын Отан барлығымызда әртүрлі болуы мүмкін, ал біз өмір сүретін ел біреу ғана, ол – біздің байтақ Отанымыз – Қазақстан.

Біздің сабағымыздың тақырыбы – «Қазақстан – менің Отаным». Менімен бірге қайталаңдар. Кәне!

Бүгін біз еліміздің кең-байтақ жазықтарының үстінен әуе шарымен ерекше саяхатқа аттанамыз. Қандай теңіз, өзендер және қалаларымыздың бар екенін білеміз. Еліміздің бір шетінен екінші шетіне жеткізетін жолдарды таңдаймыз.

Оқушылар:

– Біздің Отанымыз – Қазақстан туралы баяндайды.

Оқушылар:

– туған және өз өлкелерін атайды.

«Басбармақ » әдісі арқалы бағалайды.

15 мин

Жаңа білімдерді меңгеру кезеңі

Қосымша мәлімет

Балалар, саяхатқа аттануға дайындалайық. Оқулықты ашыңдар.