Менің отбасым тақырыбындағы ашық сабақ мектепке дейінгі балаларға

Тақырыбы: Менің отбасым.

Мақсаты: 1.Балаларға отбасы және отбасы мүшелері туралы түсінік беру.

2.Сөйлем құрап айтуға,дыбыстарды анық,таза жеткізе білуге дағдыландыру.

Әдіс-тәсілдер:Көрсету,түсіндіру,сұрақ,жауап,әңгімелесу.

Көрнекіліктер:Отбасы мүшелерініңсуреттері,текшелер,үлестірмелі суреттер.

Тәрбиеші: Сәлеметсіңдер ме,балалар!(Балалар амандасады).

Кәне,бәріміз шаттық шеңберіне тұрайық.

Армысың, Аспан ата,

Армысың, Жер ана,

Армысың, Алтын күн

Қуанатын күн бүгін.

Балалар бүгінгі біздің оқу қызметімізде сөйлеуді дамыту Менің отбасым.

Отбасы дегеніміз бір үйде тұратын адамдар тобы.

(Барлығымыз бірге қайталаймыз)

Отбасы- ол бақыт

Отбасы-ол ата-анаң.

Отбасы-ол туыстарың

Отбасы-ол шаңырақ.

Әр адамның өз үйі болады.Онда оның отбасы мүшелері тұрады.Олар ата,әже,әке,ана,аға,әпке,іні,қарындас.

Сергіту сәті:Бала,бала балақан,

Қане қайсы алақан

Саусақтарың әйбат,

Былай-былай ойнат.

Суретпен жұмыс: Отбасы бейнеленген суреттен оның мүшелерін айтқызу.

Мына отбасында ата,әже бар екен,балалар, тағы кім бар? екен(анасы,әкесі,апасы,ағасы)

Төрде кім отыр? (ата)

Дұрыс айтасыңдар.Атаның оң жағында әже шай ішіп отыр.

Шайды кім құйып беріп отыр?(анасы)

Үлестірмелі материалмен жұмыс: «Менің отбасым»(педагогтың көмегімен)

Берілген суреттің ішінен(анасын) отбасы мүшелерін табу керек.

Ойын: Кім тез табады?

Шарты:Балалар текшеде бейнеленген отбасы мүшелерін жылдам айтады.

Қорытынды:Балалар біз бүгінгі оқу қызметімізде кімдермен таныстық?(отбасымен)

Отбасында кімдер бар екен? (ата,апа,әже,әке,аға.іні,қарындас).

Балалар, сендер бүгінгі оқу қызметіне жақсы қатыстыңдар.

Жарайсыңдар! Сендерге рахмет!

Сау болыңдар!