Менің отбасым тақырыбына ашық сабақ, мектепке дейінгі балалар

Ұйымдастырылған оқу іс-әрекеті

Білім беру саласы: Коммуникация

Бөлімі: Көркем әдебиет

Тақырыбы: «Менің отбасым»

Мақсаттары:

1. Білімділік мақсаты: Балаларға Отбасы туралытүсінік беру.

2. Дамытушылық мақсаты: Суреттерге қарап әңгіме құрау арқылы

ойлау қабілеттерін дамыту.

3. Тәрбиелік мақсаты: Отбасы мүшелерін сыйлай білуге тәрбиелеу.

Көрнекіліктер: отбасы суреттері, слайд, шаңырақ

Әдіс-тәсілдер: әңгімелеу, жұмбақ, ойын, сұрақ жауап, сергіту сәті, шаттық шеңбер, мадақтау, қорытындылау.

Әрекет

кезеңдері

Тәрбиешінің әрекеті

Балалардың әрекеті

Мотивациялық қозғаушылық

Шаттық шеңбер

Көтеріліп шаңырақ

Уықтары шаншылар

Керегелер керіліп,

Өрімдей боп өрілер

Бәріміз жүрсек айналып,

Киіз болып көрінер

-Балалар, біз қандай заттың бейнесін жасадық?

-Ал, киіз үйде кім тұрады?

-Оларды бір сөзбен қалай атаймыз?

• Отбасы дегеніміз не? (отбасы дегеніміз бір үйде тұратын ең жақын туыс адамдар. Ол адамдарды отбасы мүшелері дейміз).

• Сен отбасында кімсің? (мен отбасының мүшесімін, әкем мен анамның баласымын, атам мен әжемнің немересімін).

• Отбасы мүшелері туралы мәліметті үйде қайдан алуға болады? (ата-әжеден, туыстардан білуге болады).

Балалар шаңырақпен шаттық шеңбер жасайды

-Киіз үй

-Ата, апа, әке, ана

-Отбасы

Ұйымдастыру іздестіру

Балалар, айналамызға қарасақ, көптеген үйлерді көреміз.

Ол үйлерде кімдер тұрады деп ойлайсыңдар?

-Иә, балалар, барлық үйдің отбасы болады олар бір бірімен тату тәтті тұрады.

-Қане, балалар мен сендерге бір жұмбақ жасырайын, шешуін тауып көрейік.

Жұмбақ

Онсыз қызық жоқ маған, онсыз бақыт жоқ маған

Ол әр баланың панасы, ол не екен, балалар?

-Міне балалар, бұл жұмбақтың шешуі отбасы екен.

Олай болса бәріміз тақтаға слайдқа назар аударайықшы.

Бұл суретте кімдердің суретін көріп тұрсыңдар?

-Иә бұл суретте сүйіспеншілігі мол, бір-біріне ыстық ықыласпен, аялы сезіммен қарап отырған дастархан басындағы отбасы мүшелерін көріп отырмыз.

Иә, сендердің әрқайсыларының өз отбасыларын: мама, папа, ата, апаларың бар. Сендер оларды жақсы көресіңдерме?

Балалар біз өзімізге қандай адамдарды жақын адамдар дейміз? Иә, дұрыс айтасыңдар сендерге ең жақын адамдар ол отбасы мүшелері. Олар сендерге үнемі қарайласып сендерге көмектеседі.

Оқулықпен әңгіме (отбасының суреті бойынша)

• К.Күзембайдың «осындай менің отбасым» өлеңі оқылады.

• Отбасы мүшелері бір-бірімен қандай қарым-қатынас жасайды? (әңгімелеседі, бірге отырып тамақ ішеді, бір-бірін сыйлайды, балалар үлкендерді тыңдайды, бірге демалады).