Менің отбасым тәрбие сағаты 10 сынып оқушыларына арналған

ЖШС Каспий өңірі «Болашақ» колледжі

Оқытушы:Тасте,мирова Динара Бакытовна

Тәрбие сағаты тақырыбы: «Менің отбасым»

Тобы:НОО-18

Мақсаты: Студенттердің отбасы туралы түсініктерін кеңейту. Өз жанұясы туралы әңгімелеуге үйрету. Студенттерді ұйымшылдыққа, жауапкершілікке, өз ойын жеткізе білуге тәрбиелеу.

Түрі: Ой бөлісу.

Әдісі: «Жүректен — жүрекке» шеңбері, ой қозғау, «Ашық микрофон», топтық жұмыс, «Конверттегі сұрақтар», пікір алмасу.

Көрнекілігі: Мультимедия, презентация, бейнебаян: «Отбасы құндылығы», шарлар, гүлдер.

Жүргізуші: Құрметті ұстаздар, ата-аналар, студенттер НОО-18, тобының ұйымдастыруымен өткелі отырған «Менің отбасым» атты топ сағатымызға қош келдіңіздер.

Студенттер, біз бүгін керемет бір ғажайып әлем туралы әңгімелесеміз. Қалай ойлайсыздар, ол әлем қандай әлем болуы мүмкін? Қане ойлап көріңдерші. Ол бір өзі кішкентай ғана шағын мемлекет. Ол мемлекет қандай болуы мүмкін?

І. « Жүректен — жүрекке» шеңбері.

Ал, ендеше студенттер өз жанұяларыңның жақсы бір қасиеті жайлы айтып өтіңіздер. Отбасы — адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер жетеді.

Отбасының екі тірегі — әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу — біздің борышымыз. Ата — ана — отбасының негізгі діңгегі, бастапқы дәнекері. Бала әкеден ақыл, анадан мейірім алады. Әке туралы айтсақ, әке отбасының асыраушысы, қамқоршысы. Ана — отбасының ұйтқысы, жылуы, шуағы.

«Ашық микрофон» деп аталады. Бұл кезеңде студенттер сіздерге отбасы туралы бірнеше сұрақтар қойылады. Ойларыңызды ашық, еркін айтуларыңыз сұралады.

Сұрақтар:1. Отбасы дегенді қалай түсінесіңдер?

2. Отбасының басшысы кім?3. Отбасы қандай болуы керек?4. Барлық отбасы бірдей болады деп ойлайсыңдар ма?5. Сен қандай отбасын армандайсың?5. Өз отбасыңа көңілің тола ма?7. Отбасын неліктен жақсы көресіңдер?

Мұғалім сөзі:

Oтбасым — менің жүрегімОтбасым — менің тірегімОтбасым – менің ОтанымТек сен деп соғар жүрегім – дегендей, отбасы болашақ ұрпақ бойына адамзаттық құндылықтарды және ұлттық рухани байлықтарын сіңіретін тәрбие ошағы.Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы.

ІІІ кезеңіміз «Менің отбасым – менің байлығым». Бұл кезеңде

Отбасы туралы өлең жолдарын айтады.