Менің отбасым жұмысшылар әулеті туралы эссе

Менiң отбасым – жұмысшылар әулетi

Жабагина Лязат Токеновна

Қазақ тілі мен әдебиеті пәнінің мұғалімі

Байқадам ЖББМ

Бұқар жырау ауданы

Қарағанды облысы

Мемлекет басшысы Қ.К.Тоқаев Қазақстан халқына жыл сайынғы Жолдауында 2025 жылды «Жұмысшы мамандықтарының жылы» деп жариялаған болатын.Бұл дегенiмiз қарапайым жұмысшының еңбегiн бағалап,өскелең ұрпаққа қай кезеңде болмасын олардың жұмысына құрметпен қарау дегендi бiлдiредi.

Менiң отбасым – нағыз еңбекқор жандардың мекенi деп айта аламын. Бiздiң әулетiмiз бiрнеше буыннан берi түрлi салаларда жұмыс iстеп, адал еңбегiмен өмiр сүрiп келедi.Сонымен қатар,олар елiмiздiң экономикалық дамуына да айтарлықтай өз үлестерiн қосты деп те мақтанышпен айта аламын. Мемлекет басшысы Менiң атам мен әжем ұзақ жылдар бойы ауыл шаруашылығында еңбек еттi. Олар егiн егiп, мал бағып, қиын-қыстау кездерде де маңдай терiмен отбасын асырады. «Атаңнан мал қалғанша, тал қалсын» демекшi, адам ғұмырындағы ең үлкен iстердiң бiрi -тал егу. Ол- бiздiң болашағымызға және табиғат- анаға жасаған үлкен сыйымыз.Бүгiнгi күнi атам егiп кеткен әр тал, үлкен жемiс ағаштарына айналды. Бұл жемiс ағаштары бiздiң артымыздан ерген ұрпақтарымызға да жетерлiктей. Атам бақшада көкөнiстердi бағып -баптағанда, бiз әлiмiз келгенше су тасып ,өсiмдiктердi суаратынбыз.Атамның бау –бақшасында өскен көкөнiстер мен жемiс ағаштарынан анам мен әжем қысқыға азық дайындайтын. «Еңбектiң наны тәттi» демекшi, бау-бақшадан терiп жеген жемiстiң дәмi де ерекше тәттi болушы едi.Атам мен әжемнiң қажырлы еңбектерiнiң арқасында бiз еңбектiң қадiрiн түсiнiп өстiк.

Әкем мен анам да еңбек жолын қарапайым жұмысшы болып бастады. Әкем құрылыс саласында жұмыс iстеп, көптеген зәулiм ғимараттардың бой көтеруiне өз үлесiн қосты. Өзiмiздiң тұрып жатқан шаңырағымызда әкемнiң шынайы еңбегiнiң арқасында бой көтердi.Сондықтан да өз үйiмнiң әр бөлiгi маған ыстық. Әкем –қарапайым жұмысшы болса да мен оның әр iсiмен мақтанамын.Себебi, менiң әкем мен сияқты қаншама баланың өз үйiнде тұруына себепкер болды. Әкемнiң әр балаға қуаныш сыйлауы-мен үшiн үлкен бақыт.Ал ,анам – медицина саласының маманы, адамдардың денсаулығын жақсартып, өмiрлерiн сақтап қалуға көмектеседi. Менiң анам мен әкемнiң жұмыстары жауаптылық пен ұстамдылықты қажет ететiн жауапкершiлiгi мол мамандықтар.Сол…