Менің педагогикалық ұстанымым туралы эссе

Менің педагогикалық ұстанымым: құндылықтары мен басылымдықтары

Эссе

Тоғаева Н.Б. қазақ тілі мен әдебиеті пәні мұғалімі

Жаһандану заманында ұлттық бәсекеге қабілетті болудың көрсеткіші – білім деңгейімен өлшенеді. Сондықтан әлемдік білім кеңістігіне кірігіп, білім беру жүйесін халықаралық биікке көтеру - кезек күттірмейтін өзекті мәселе.

Бұл мәселені шешудің кілті ұстаз қолында. Өйткені, ұстаз елдің ертеңгі тізгінін ұстайтын ұрпақ тәрбиелейді. Адам тәрбиелеу – ұлы міндет. Ол міндетті атқарушы – ұстаз. Ұстаздың негізгі құралы – сабақ.

"Өмірде немен шұғылдансаң да, оны бар жүрегіңмен орында" деген Конфуцийдің сөзін ұстаздық өмір жолымның негізі етіп алдым. Педагогикалық тәжірибемде сәттілікке ұмтылмай, шәкірттеріме құнды болу үшін бар күш-жігерімді жұмсап келемін. Оқушыларды кішіпейілділікке, ғаеваізденімпаздыққа, ізгілікке анасының қанымен тараған уыз тілмен үйретсем, олар мені шыдамдылық пен көшбасшылыққа үйретті.

Менің педагогикалық ұстанымым - жеке тұлғаны қоғам мүддесіне белсенді, бәсекеге қабілетті, құзыретті, шығармашыл, білімді, мемлекеттік тілдің қыр-сырын толық меңгерген және ана тілінің қолдаушысы да, қорғаушысы да болатын ұрпақ тәрбиелеу. Б.Момышұлының сөзімен айтсақ, мұғалім "болашақтың баласын да, данасын да, ғалымын да, еңбекқор егіншісін де, кеншісін де өсіретіні" белгілі. Менің шәкірттерім өмірлік бағыт-бағдары қалыптасқан, ұстанымы бар, Отанын шексіз сүйген, белсенді тұлға болады. Дәріс берген оқушыларым "білімнің іріктелген алтыннан да, ал ақылдылық інжу-маржаннан да қымбат екеніне, оны еш нәрсемен салыстыруға келмейтініне" (Соломонның пікірі) сенеді. Осындай дарынды тұлғаны тәрбиелеуде оқушыларды білім, білік, дағдылардың белгілі жиынтығын меңгертуге ғана бағыттамай, оларды мектеп оқушыларының пәндік олимпиадаларына, ғылыми жобалар жарысына дайындау арқылы өмірлік мақсатын айқындауға ықпал етемін.

Менің түсінігімдегі ұстаз – рухы таза, ой-өрісі биік, ұлты мен Отанының болашағы үшін тер төгіп, шыдамдылық пен табандылықтың үлгісін көрсетуші, өз бойындағы асыл қасиеттері мен білімін болашақ ұрпақтың бақыты мен кәдесіне жаратып, қоғамды өрге өркендетуші, жаңашылдықтың бастаушысы, жүрегі – жылы, көңілі – дарқан адам.

Ұстаздан дәріс алмаған адам қазір жер бетінде жоқ десе де болар. Бұл мамандық содан да киелі. Жан-Жак Руссоның «Ұстаз болу – өз уақытыңды аямау, басқаның бақытын аялау» деген нақыл сөзі жаныма…