Менің Қазақстаным ашық сабағы балабақшаға

Нұр-Сұлтан қаласының

№63 "Әсем-Ай" балабақшасының

"Ақбұлақ" шағын орталығы

Тәрбиеші: Оспанова Динара Сейтқазықызы

Білім беру саласы: Қатынас.

Бөлімі: Сөйлеуді дамыту

Тақырыбы: Менің мақтанышым – Қазақстан!

Мақсаты: Балалардың өз еліне, туған жеріне деген сүіспеншілік сезімдерін арттыру, халқымыздың салт-дәстүрін бойына сіңіріп, ұлттық, азаматтық сезімге баулу. Мемлекеттік рәміздер туралы білімдерін дамыту. Отанын сүюге, қазақ тілін қадірлеуге, құрметтеуге тәрбиелеу.

Қолдалынатын әдіс-тәсілдер: әңгімелесу, сұрақ – жауап, ой қозғау, көрсету, ұлттық ойындар, салт – дәстүр көрінісі.

Қолданылатын көрнекіліктер: интерактивтік тақта, суреттер, ұлттық бұрыш, үнтаспа, еліміздің картасы, гүлдер,

Билингвизм компоненттері: Әнұран, Ту, Елтаңба.

Алдын-ала жүргізілген жұмыстар: Отан жайлы тақпақтар, ән, мақал – мәтелдер жатталды. Көрініс ұйымдастырылды.

«Жылулық шеңберін» ұйымдастыру.

Армысың, мейірімді Жер – ана!

Армысың, шұғылалы Алтын күнім!

Армысың, тәуелсіз елім менің!

Мерекеге орай елімізге, халқымызға бір-бір тілектен айтайық: Еліміз тыныш болсын! Аспанымыз ашық болсын! Ата-анамыз аман болсын! Деніміз сау болсын! Бейбітшілік болсын! Еліміз бай болсын! Балабақшамыз көркейе берсін! Бәріміз тату дос болайық! Күніміз жарқырап тұрсын! Қазақстан Республикасы жасара берсін! Елбасымыз аман болсын! Астанамыз жайнай берсін!Арманымыз орындалсын! Әдемі, ақылды балалар көп болсын!

-Біз аспаны ашық, сәулелі, кең, байтақ елде тұрамыз. Ол ел-Қазақстан. Бүгін қазақ тілі пәнінен «Менің мақтанышым – Қазақстан» атты тақырыбында ұйымдастырылған ашық сабағымызды бастаймыз.

- Біздің еліміз, Отанымыз қалай аталады?

-Қазақстан Республикасы. Бас қаламыз қалай аталады?

-Елбасымыз кім?

-Елбасымыз Қ. К. Тоқаев

-Дұрыс айтасыңдар. Қазақстан Республикасы Тәуелсіз мемлекет, біздің өзіміздің Әнұранымыз, Туымыз, Елтаңбамыз бар.

-Әнұранның авторларын білесіңдер ме?

-Әнұранның сөзін жазған: Ж.Нәжімеденов

Әнұран орындалады.

Адия:

Әнұраным

Әнұраным жан ұраным,

Айтар әнім, сөйлер сөзім.

Туған жерім сағынарым,

Мәңгі бақи шырқалады.

Слайд көрсету.

-Балалар, енді мына суретке назар аударайықшы?

-Бұл Қазақстанның туы.

- Қазақстан Республикасының мемлекеттік туы көгілдір түсті тік бұрышты. Тудың ортасында шұғылалы күннің суреті, оның астында қалықтаған қыран бейнеленген. Күн, арай, қыран және ою-өрнек алтын түсті.

ҚР мемлекеттік туының авторы — суретшi Шәкен Ниязбеков.

Диляра:

Қазақстанның Туы.

Аспан түстес көгілдір,

Тік бұрышты матаның.

Ортасын төгіп нұр,

Күн жаяды шапағын

Астында оның қалқыған

Қыран құстың бейнесі

Азат елдің шалқыған

Көңілі деп білерсің.

Мемлекеттік Елтаңба − Жандарбек Мәлібеков пен Шот-Аман Уәлихан секілді сәулетшілердің шығармашылық ізденіске толы үлкен еңбегінің жемісі.

Көгілдір аспан аясында шаңырақ бейнеленген . Шаңырақты айнала күн сәулесіндей уықтар тараған. Екі жақтан қанатты пырақтар көмкерген. Жоғарыда бес бұрышты жұлдыз, төменде «Қазақстан» деген жазу бар.

Дамитей:

Елтаңба

Алтын қанат көмкерген,

Шаңырақ бар, уық бар.

Әсем бейне сен көрген,

Жай белгі емес ұғып ал!

Көгілдір түс аясы,

Бейбіт дала елесі.

Зарина:

Шаңырақ – жұрт панасы,

Уықтар – күннің сәулесі.

Жоғарыға түсер көз,

Бес бармақты жұлдызға,

«Қазақстан» деген сөз,

Таныс барлық ұл-қызға.

Мағыналы, сымбатты,

Бар осындай белгіміз.

Маған, саған қымбатты

Елтаңбасы ол – еліміздің!

Сергіту сәті.

Ата кіреді.

-Сәлеметсіңдер ме, балалар?

-Сәлеметсіз бе, ата.

-Шырақтарым, мен бұл жерде Қазақстан туралы ашық сабақ болып жатыр деп естідім. Балаларға өзім білетін өсиет сөздерімді айтайын деп әдейі келдім.

Жүргізуші: -Төрлетіңіз ата. Балалар көпті көрген аталарыңа сұрақтарың бар ма?