Менің Қазақстаным оқу қызметінің сабақ жоспары

Бекітемін: Күні: 6 – 10 желтоқсан, 2021 жыл

Тобы: Ақкөгершін, Бәйтерек, Ақсұңқар

Ересек топтағы ұйымдастырылған оқу қызметінің

технологиялық картасы

Білім беру саласы: шығармашылық

Тақырыбы: Менің Қазақстаным!

Мақсаты балаларды туған өлкесі Қазақстанның табиғатының сұлулығымен таныстыру.Туған жердің көрінісін қағазға түсіре білуге үйрету, өз еліне деген сүйіспеншілік пен патриоттыққа тәрбиелеу. Суретшінің бере білген көңіл - күйді сезіну қабілеттілігін қалыптастыру, табиғаттың әрбір құбылысы өзінше тамаша екендігін сезіну.

Қолданылатын көрнекі құралдар: туған өлкеміздің табиғатты бейнеленген суреттері, мольберт, жай қарындаш және қылқалам мен акварель бояуы, ақ қағаз.

Қызмет кезеңдері

Педагогтың қызметі

Балалардың қызметі

Мотивациялық- қозғаушылық

Педагог балаларды «Қуаныш шеңберіне» тұрғызады.Педагог «Танысу» ойынын ойнатады.Ойынның шарты бойынша келген балаға мен сұрақ қоямын.- Сенің атым кім?- Жасың нешеде?- Сен қандай Республикада тұрасын?- Елбасы кім?- Жарайсыңдар балалар!

Балалар «Қуаныш шеңберіне» тұрып.

- Менің атым – Ильяс- Жасым – бесте.- Мен Қазақстан Республикасында тұрамын.

Елбасы Н. Ә. Назарбаев.

Ұйымдастырушылық ізденістік

- Біздің сүйікті Отанымыз Қазақстанның кең байтақ екенін айтамыз. Созылып жатқан кең – дала, биікке аспандап көтерілген таулар, асау толқынын жағаға ұрып жатқан Каспий теңізі, Балқаш көлі, өзендер мен көлдер, шулаған орман мен саябақтар. Жылдың қай мезгілі болса да, осының бәрі адам баласын толқытып қуантады. Бірақ ең негізгісі - туған табиғатымыздың әдемілігін байқай білуді үйрену, оның қайталанбас сұлулығын сезіне білу. Табиғаттың кез - келген бұрышы өзгеше жақсыСоңдықтан суретшілер өздерінің шығармаларында қоңыр күзді, гүлдеген даланы, алғашқы қарды, қысқы саябақтардағы гүлзарларды, тағы да басқа көріністерді адам баласының қуануы мен таңқалдыру үшін бейнелейтінін білуге болады.Ақын М. Әлімбаевтың «Менің – Қазақстаным» өлеңін оқып беру.Балаларға қазақ даласының көркемдігін, қазақ халқының киіз үйін, жайлауды тамашалата отырып, бәйтеректің суретін қағазға бояу арқылы салдыруды ұсынады. Әр түрлі бояуларды таңдауды, қағаз бетіне дұрыс орналастыруды бақылайды.Сергігу сәтті:Ал балалар тұрайық,мойнымызды бұрайық.Қолымызды созайық,Жел сияқты қалықта,Оңға, солға иіліпДенемізді бұрайық..

. Балалар мұқият тыңдайды.

Балалар шығармалар туралы, туған өлкенің табиғатты туралы әңгімелеп береді.