Менің Қазақстаным тақырыбындағы логопед сабағының жоспары

ЖТК ІІІ деңгей

Сабақтың тақырыбы: «Менің Қазақстаным»

Сабақтың мақсаттары:

1. Білімділік: Қазақстан Республикасы туралы түсінік беру.Қазақстан Республикасының ұлттық рәміздері туралы түсінік беру. Түрлі тапсырмаларды орындау арқылы сөйлеу дағдыларын қалыптастыру. 2. Дамытушылық:Артикуляциялық және ұсақ қол моторикалырын, дұрыс тыныс алу қабілеттерін дамыту.Ой-өрістерін, танымдық, шығармашылық қабілеттерін, топта жұмыс жасау қабілеттерін, сабаққа деген қызығушылығын дамыту. 3. Тәрбиелік:Балалардың орталыққа деген сүйіспеншілігін дамыту, достық қарым - қатынас сезімдеріне тәрбиелеу, жан-жақтылық қасиеттерін шыңдау арқылы тәрбиелеу.

Сабаққа қажетті көрнекі құралдар: тақырыптық суреттер, артикуляциялық жаттығулар суреттері, жеке айналар, сүрткіштер, үлестірмелі материалдар.

САБАҚТЫҢ БАРЫСЫ

I.Ұйымдастыру кезеңі.

1. Сәлемдесу.

Шаттық шеңбері

Бала бала баламыз Орталыққа барамыз Күні бойы қызыққа Батамызда қаламыз Бір шаңырақ астында Бірге сайран құрамыз.

2. Балалардың көңіл - күйлерін сұрау.Балаларға жыл мезгілі, ерекшеліктері, айлар, мерекелері туралы сұрақтар қою. Мнемотехниканы қолдана отырып балаларға жыл мезгілінің ерекшелігін толықтырып айтуға үйрету

3. Артикуляциялық жаттығулар:

«Бақа», «Піл», «Сусиыр», «Жалпақ тіл», «Күрекше», «Ине», «Сағат», «Футбол», «Әткеншек».

4. Тынысқа арналған жаттығулар:

«Мұрынмен тыныс алып, ауыздан шығар»

ІІ.Негізгі бөлім.Балалар бүгінгі сабағымыздың тақырыбы «Менің қазақстаным» деп аталады.

Қазақстан Республикасы (Қазақстан Республикасы) — Шығыс Еуропа мен Орталық Азияда орналасқан мемлекет. Батысында Еділдің төменгі ағысынан, шығысында Алтай тауларына дейін 3 000 км-ге, солтүстіктегі Батыс Сібір жазығынан, оңтүстіктегі Қызылқұм шөлі мен Тянь-Шань тау жүйесіне 1 600 км-ге созылып жатыр. Қазақстан Каспий теңізі арқылы Әзірбайжан, Иран елдеріне, Еділ өзені және Еділ-Дон каналы арқылы Азов және Қара теңіздерге шыға алады. Мұхитқа тікелей шыға алмайтын мемлекеттердің ішінде Қазақстан — ең үлкені.

Қазақстан бес мемлекетпен шекаралас, соның ішінде әлемдегі құрлықтағы ең ұзақ шекара солтүстігінде және батысында Ресеймен — 6 467 км құрайды. Оңтүстігінде — Түрікменстан — 380 км, Өзбекстан — 2 300 км және Қырғызстан — 980 км, ал шығысында — Қытаймен — 1 460 км шектеседі. Жалпы құрлық шекарасының ұзындығы — 13392,6 км[8]. Батыста Каспий теңізімен, оңтүстік батыста Арал теңізімен шайылады[9]