Менің құқығым және міндетім туралы ашық сабақ, 2 сынып

Пәні: Дүниетану

Тақырыбы: Менің құқығым және міндетім

Мектеп: Үшарал қазақ гимназиясы

Күні: 16.10.2017 ж.

Мұғалімнің есімі: Ахмедиярова Г.Т.

СЫНЫП: 2 Ә

Қатысқандар саны:

Қатыспағандар:

Ортақ тақырып

Менің отбасым және достарым

Бағдарламаның бөліміне сілтеме

1.5. Құқық және міндет.

Сабақ негізделген оқу

мақсаты (мақсаттары)

2.1.5.1 өз өмірінің мысалдары негізінде құқық, міндеттер және жауапкершілікті ажырату білу.

Күтілетін нәтижелер

Оқушылар:

-құқық және міндеттерді ажырата біледі;

-өмір сүру үшін жауапкершіліктің мағынасын түсінеді;

-сабақтың білімдік мақсатын түсінеді, оны орындайды және сабақта жеткен жетістіктеріне ой жүгіртеді.

Сабақ мақсаттары

Барлық оқушылар:

Оқулықта берілген тапсырмаларды орындайды. Тақырыпты меңгереді.

Оқушылардың басым бөлігі:

Тақырыптың маңызы туралы дәлелдеп айтып бере алады.

Кейбір оқушылар:

Білімді сыныптастарына түсіндіріп оқулықтан тыс ресурстар қоса алады.

Жетістік өлшемдері

-құқықтар мен міндеттерді ажырата білсе,

-өз өмірінен құқық пен міндеттердің мысалдарын келтірсе,

-жұптық және топтық жұмыстарда белсенділік көрсетсе.

Ресурстар

Мұғалімге: компьютер, тақырыптық суреттер, азамат – гражданин – citizen сөзі жазылған парақ.

Оқушыға: оқулық, жұмыс дәптері.

Оқытудың әдістері мен тәсілдері

Әңгімелесу, оқулықпен жұмыс, жұптасып жұмыс істеу, өзіндік жұмыс, дидактикалық ойын.

Пәнаралық байланыс

Қазақ тілі,тарих.

Кілттік сөздер мен ой-пікірлер

Әрбір азаматтың құқықтары мен міндеттері бар және өз істеріне жауап береді.

Тілдік мақсат

Азамат – гражданин – citizen

Жоспарланған

уақыт

Жоспарланған жаттығулар (төменде

жоспарланған жаттығулармен қатар,

ескертпелерді жазыңыз)

Ресурстар

Сабақтың басы

1 минут

«Сәлеметсіңдер ме, балалар!»

Сыңғырлаған қоңыраумын,

Сыңғыр-сыңғыр соғамын.

Келіңдер деп шақырамын,

Бәріңе дос боламын.

Мектеп-қамқор анамыз,

Оқып білім аламыз.

Өнер-білім жарқыратып,

Жұлдыз болып жанамыз.

3 минут

2-слайд: «Сөзді тап» стратегиясы. «ыұқққ», «етднім» әріптерден «құқық» және «міндет» сөздерін құрату.

-Балалар, бүгін біз сабағымызда құқық және міндет түсініктермен танысамыз. Қалай ойлайсыңдар, бұл ұғымдар нені білдіреді?

3-слайд: Сабақтың тақырыбы: Менің құқығым және міндетім

-Бүгінгі сабағымыздың мақсаты: Құқық және міндет ұғымдарымен танысу. Құқық пен міндеттерді ажырата білу.

Мұғалім: - Әр елдің өзіне тән белгілері, рәміздері болады. Егемендігіміздің белгілерінің бірі – ол мемлекеттік рәміздер. - Сен шыр етіп дүниеге келдің. Сен сияқты қаншама адам дүниеге келуде. Осы адамдардың барлығы бір заңға бағынады. Ол – конституция деп аталады.

4-слайд: Бұл біздің құқықтарымыз бен мүмкіндіктеріміз жайлы байыпты да, парасатты кітап. Бұл Заңда біздің құқықтарымыз ғана емес, міндеттеріміз де қатар жазылған. Оның дәлелі міне, сен бүгін мектепте отырсың, сен барлық адамдар сияқты оқуға, білім алуға құқығың бар. Сонымен қатар, сенің де міндетің бар. Ол – сен орта білім алуға міндеттісің. Мына үлкен мектеп, жарық та, кең әдемі бөлме жақсы білім алып, тәртіпті, саналы азамат болып, өсіп Отаныңа қызмет етуің үшін жасалған.(Конституция қашан қабылданды?/1995ж 30 тамыз/)

Сабақтың мақсаты және «құқық», «міндет» ережелері тақтада жазылып тұрады.

Жаңа білім

8 минут

Білу және түсіну

Оқулықпен жұмыс. (18-бет) Мәтінді іштей оқиды.

5-слайд: Құқық – Бұл Қазақстанның әр азаматына берілетін заңды мүмкіндік.(1-қатар хормен оқиды)

Міндет – әр азамат орындауға тиісті абыройлы борыш.

Мәтінді түсінгендерін келесі сұрақтар бойынша тексеруді ұйымдастыру.(2-қатар хормен оқиды)

-Құқық дегеніміз не?

-Міндет дегеніміз не?

-Азамат деп кімді айтады? (Азамат – гражданин – citizen)

Мәтіннің екінші бөлігін 3-қатар оқушылары тізбектей оқиды.