Менің сүйікті кейіпкерім: сыныптан тыс жұмыс, 11 сынып

Менің сүйікті кейіпкерім

Мақсаты: Мектеп оқушыларының арасындағы талантты жастарды анықтап, шығармашылыққа тарту. Көркем әдебиетке деген оқушылардың сүйіспеншілігі мен қызығушылығын арттыру, әдеби кейіпкерлер дүниесімен тереңірек таныстыру арқылы, отанға, елге деген патриоттық сезімін, дүниетанымын кеңейту, ой ұшқырлығына, шығармашылық қабілеттерін шыңдау.

Көрнектілігі: Слайд, презентация, интерактивті тақта.

Жүрісі:1-жүргізуші: Қайырлы күн, қадірменді ұстаздар, оқушылар және байқауға қатысушылар! Бүгінгі «Рухани жаңғыру» бағдарламасы негізінде өткелі отырған «Менің сүйікті кейіпкерім» байқауына қош келдіңіздер!

2-жүргізуші: Байқау шарты:

«Менің сүйікті кейіпкерім» атты тақырыптта эссе.Қатысушы өз ойын, қиялын еркін білдіріп, жұмысты өзі орындау керек. (Интернет желісінен , баспасөз беттерінен алынған дайын материалдар қабылданбайды)

«Мені танисын ба?» - аудио жазбалардан кейіпкерлерді тану.

«Танымдық» сұрақтарға жауап.

«Сурет әлемі» - кейіпкерлердің суретін салу.

1-жүргізуші: Әдебиет-сөз өнері. Әдебиет-әсемдік әлемі. Әдебиетті ұлағатты адамдар «Адамтану құралы» десе, біз «Адам тәрбиелеу құралы» дер едік. Өйткені әдеби шығармаларды оқи отырып, сөз маржанының қыр-сырын игеріп қана қоймай, өмірдің ең қымбаттысы, ең асылы - жақсылық пен ізгілікті үйренеміз. Әдебиет - еш уақытта көзге көрінбейтін сезім қырлары арқылы ақыл иесі - адамды өз ырқына жетелей алатын қасиетті дүние. Біздің бүгінгі байқауымызда қасиетті де киелі әдебиетке жаны құмар жандар бақ сынағалы отыр. Байқауымызға әділқазы мүшелері төрелік етеді.(Әділқазы мүшелерімен таныстырады).1.Құбан Барша2.Қаржаубай Гүлжамила3.Қабдешова Райгүл

1-жүргізуші: Қай қаламгер болмасын өмірдің жақсылы-жаманды қыр-сырын, ащысы мен тұщысын кейіпкерінің мінез-құлқы арқылы береді. Тіпті айтпақ болған жан айқайын кейіпкерінің аузына сөз салып жеткізіп жатады. Көкірегі ояу оқырман мұны түсінеді, түсінеді де түйсігіне қабылдайды. Бір кейіпкер үшін жанымыз ашыды, біреуіне зығырданымыз қайнайды, тіпті біреу үшін жүрегіміз жарыла қуанып жатамыз. Көркем шығарманы сүйіп әрі сүйсіне оқитын әр оқушы осы бір сезімдерді басынан кешіріп жататыны рас. Ал бүгінгі ойыншыларымыз әдеби кейіпкерлерді қаншалықты таниды екен?

І айналым: «Менің сүйікті кейіпкерім» атты тақырыптта жазған эсселерін қорғау. Қатысушы өз ойын, қиялын еркін білдіріп, жұмысты өзі орындау керек. (Интернет желісінен , баспасөз беттерінен алынған дайын материалдар қабылданбайды)

1-жүргізуші. Көркем шығарманы оқу бар, оны зердеңе тоқу да бар. Дәл қазір ойыншыларымыздың көркем шығармаларды қаншалықты көңілге тоқығандарын сынамақшымыз. Ендеше ұтқыр болсаңыздар, тауып көріңіздер.

ІІ айналым: «Мені танисың ба?» Кейіпкерлерді тану.

(Көк жалаушаны бірінші боп көтерген оқушы жауап береді, әр дұрыс жауапқа 5 ұпай беріледі. Көркем шығармалардан экранда үзінді беріледі.)1) Балуан Қажымұқанның күресіне тәнті болып, таңертеңгі гимнастикамен айналысуды әдетке айналдырған.Орман ішінде көздеген жауымен байқаусызда кездесіп, қапыда айырылып қалған кім? (Хамит. С.Сейфуллин. «Бандыны қуған Хамит».) 2) Өзі мерген, өзі құсбегі, үнемі қанжығасы қанды бола тұра үйіне қоржынын толтыра әкелмейді, қолындағысын жұртқа үлестіріп береді. (Ораз. С.Мұқанов «Өмір мектебі».)3) Қалыңдығын бір түнде алып қашпақшы болған, жүйрік аты мен тайыншадай ірі итімен ауылды қасқыр атаулыдан құтқарып отырған.(Қайсар. Ғ.Мүсірепов…