Менің сүйікті мамандығым туралы математика эссесі

«Менің сүйікті мамандығым»

(эссе)

Ғалым да, шахтер де бас иетін,Ұстазым, бар сенің қасиетің.Білім берген, ой берген, ақыл берген,Көз алдымнан кетпейді асыл бейнең …Осы өлең жолдарын оқығанда, мен өзімді бақытты сезінемін.Ұстаз болғаныма мақтанамын.Өйткені ұстаз- мақтан тұтар, киелі, әрі өте көне мамандық. Шындығында мұғалім барлық мамандық иесін тәрбиелейтін, оқытып үйрететін абзал жандар. «Мұғалім мамандығы – барлық мамандықтың анасы» деп қалай дәл тауып айтқан. Ұстаз алдынан тәрбие алмайтын жан жоқ. Ұстаз берген тәрбие әрбір жанның өміріне жол сілтер шамшырақ болары анық. Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі – бәрі ұстаздан білім, тәлім алған, сондықтан ұлағатты ұстаздарға бүкіл адам баласы құрметпен бас иеді. Қиындығы да, қызығы да жетерлік, ең бастысы - жауапкершілігі жоғары мамандықтың бірі ұстаздық ету екені ақиқат. Өйткені бұл мамандық иелерінің мойнына ешнәрседен хабары жоқ, мыңдаған тарыдай ғана бүлдіршіндердің бойына білім нәрін сеуіп, тәрбие ұрығын егіп, таудай азамат етіп шығару міндеті жүктелген. Сондықтан басқа мамандық иелерінің барша

Ұстаз білгенін үйретуші ғана емес, тұла бойы тұнған өнеге, ақ тілеулі ана тәрізді барлық адамның бойынан жақсылық іздейтін ізгі ниет иесі. Шәкірті өзінен озған ұстаз – еңбегі ақталған ұстаз. Өйткені, өмірдің заңы даму, ілгерілеу, озу. Өзінен озған шәкірт тәрбиелейтін шебер ұстаз үздіксіз ізденісте болып, қоғам сұранысына сай білімді, шығармашыл, өзін – өзі дамытып, жетілдіре алатын болуы қажет деп ойлаймын. Мен ұстаздықтың ауыр жүгін арқалауды өз жүрегімнің қалауымен таңдадым:

2005 жылы Х.Досмұхамедов атындағы Атырау Мемлекеттік Университетінің «Физика – математика» факультетінің «Математика және физика пәні мұғалімі» мамандығын игеріп, жоғарғы білімді маман атанып және алғашқы еңбек жолымды Атырау облысындағы №24 мектебіне мамандығым бойынша жұмысқа орналастым.Осы мектепте екі жыл еңбек етіп, отбасын құруыма байланысты 2007жылдан бастап Атырау облысы,

Қызылқоға ауданы, Тайсойған ауылындағы Ғ. Сланов атындағы орта мектепке орналастым. Және бірлестік жетекшісі болып тағайындалып, мектептің жұмысына белсене араласып кеттім. Мектеп ұжымынан әрбір ұстаздың бойында болатын төзімділік, сыпайылық, тазалық, адамгершілік, еңбек сүйгіштік сияқты жақсы қасиеттерді бойыма сіңірдім. Мен өзімнің ұстаздарыммен қатар еңбек етіп, баланың бойына ақыл – білім дәнін сеуіп, аялап, көңілін табуды, алаламай сүйе білуді үйрендім. Білім беру жүйесі мамандардан кәсіби икемділік пен ұтқырлықты, сан…