Менің сүйікті мысығым тақырыбындағы балабақша ашық сабағы

ҰОҚ конспект

Ұйымдастырылған оқу қызметі : Ашық сабақ 19.10.2018ж

Тәрбиеші:Кажекова.М.Ж

Білім беру саласы:Коммуникация (Таным.Шығармашылық).

Бөлімі :Сөйлеуді дамыту.

Тақырыбы: Менің сүйікті мысығым.

Мақсаты:

Білімділік:Балаларды үй жануары - мысық, мысықтың баласы марғаулармен таныстыру. Мысық туралы әңгімелей білуге үйрету. Сөздік қорларын молайту, сұрақтарға толық жауап беруге дағдыландыру.

Дамытушылық: 2-3 сөзден тұратын сөйлем құрату арқылы ауызекі сөйлеу тілдерін дамыту.

Тәрбиелік:Жануарларға деген қамқорлық сезімдерін ояту.

Қос тілділік:мысық- кошка.

Әрекет кезеңдері

Тәрбиешінің әрекеті

Мотивациялық

қозғаушылық

-Балалар бүгін сендердің көңіл – күйлерің қалай, жақсы ма?

-Олай болса жақсы көңіл – күймен бүгінгі оқу іс- әрекетімізді бастайық.

-Балалар бүгін бізде ерекше күн. Себебі бізге көптеген қонақтар келді. Балалар қонақтармен сәлемдесіп, шаттық шеңберімізді жасайық.

Шаттық шеңбері:

Бақшамызға барғанда

Жолыққан бар жандарға

Ертемен ақпейілмен,

«Сәлеметсіз бе?- деймін мен!

-Балалар орындарыңа асықпай отыра қойыңдар.Сабағымыз басталғанда қалай отырамыз.Түзу,дұрыс , тыныш отырамыз.

-Балалар, мен бүгінгі оқу іс- әрекетімізде «Кім мияу деді» деген ертегіні саусақ театры арқылы тамашалаймыз.Мұқият тыңдаймыз.

«Мяу» деген дыбыс естіледі.Күшік:

-Ой «мяу» деген кім? – деп іздей бастайды.

Күшік әтешке кездеседі.

-Сенбе «мяу» деген?

-Жоқ, мен әтешпін, ку- ка –ре-ку деймін.

Күшік тышқанды көреді.

-Сен бе «мяу» деген?

- пи-пи –пи ,жоқ мен тышқанмын

Күшік бақаны көреді.

-Сен бе «мяу» деген?

-Ква- ква ,жоқ мен бақамын.

Күшік шаршап орнына жатады.Енді кім «мяу» деген ?

Осы кезде тағы «мяу» деген дыбыс естіледі.

Күшік тұрып қараса кішкентай мысық келеді.

-Сен бе «мяу» деген?

-Иа, «мяу, мяу»

Ұйымдастыру –

іздестіру

-Мяу, мяу дейтін кім екен балалар?Ертегім ұнады ма?

-Иә, балалар бүгінгі тақырыбымыз «Менің сүйікті мысығым» деп аталады. Мысықпен танысамыз.

-Мынау – мысық.Мысық үй жануарына жатады.Себебі мысық үйде жүреді. Мысық сүтті ,етті, балықты, тышқанды жақсы көреді.Жүні жұмсақ, мысықтар жіппен ойнайды, ұйықтағанды жақсы көреді.Мысықты «кіс-кіс» деп шақырамыз.

- Мысық қолға үйретілген жануар. Оны тышқаннан қорғану үшін ұстаймыз. Ол кішкене ғана сыбдырды естіп қояды. Мысықтың көзі қараңғыда да көреді. Тұмсығындағы қылшық мұрты арқылы иісті сезеді. Мысық- өте таза жануар. Үнемі жуынады. Жүнін жалап, тазарту арқылы денесіндегі иісті кетіреді.