Менің сүйікті отбасым тақырыбына мектепалды тәрбие сағаты

Ақсары негізгі мектеп

Категориясы: Тәрбие сағаты

Күні: 27 қараша 2018 ж

Тобы: Ортанғы топ «Балапан»

Тәрбиеші: Кажамова Асия Бекмухамбетовна

Білім көздері: Сөйлем дамыту

Тақырыбы: «Менің сүйікті отбасым»

Мақсаты: Отбасы және отбасы мүшелері жайлы түсініктерін қалыптастыру.

Отбасы мүшелері және отбасындағы сыйластық туралы әңгімелету арқылы есте сақтау қабілеттерін дамыту. Сөздерді дұрыс, анық айтуға жаттықтыру.

Үлкенге ізеттілік көрсетуге, кішіге қамқор болуға тәрбиелеу.

Көрнекілігі: отбасы мүшелерінің суреттері,фото калаш

Сөздік жұмыс: ата, әже, әке, ана, аға, іні, әпке, сіңілі, қарындас.

Әдіс -тәсілдері: әңгімелеу, түсіндіру, көрсету, ойын .

Тәрбие жұмысының барысы.

Ұйымдастыру кезеңі.

- Балалар, көңіл – күйіміз қалай? Тәрбие сағатымызды бастамас бұрын барлығымыз шаттық шеңберін құрайық.

- Балалар, күн анамыз бізге күн нұрын шашып тұр қане, бәріміз күн сәулесінен қуат алып, бір – бірімізге жылы лебіздерімізді білдірейік. Бүгінгі тәрбие сағатымыз сәтті өту үшін жақсы тілектер айтайық.

Аспанымыз ашық болсын!

Ата – анамыз аман болсын!

Бақытты болайық!

Балалар кеудемізге сыймай тұрған жылуымыздан қонақтарымызға сыйлайық (бұрылып қолдарын үрлейді)

- Біз неге шеңберге тұрып, тәрбие сағатын бастадық?

Шеңбер – бұл әлемдегі мейірімділік, жақсылық. Шеңбер арқылы – бір бірімізге күлімдеп қарап, бақыт, қуаныш, жылылық тілейміз.

І. Кіріспе бөлім.

Әңгімелесу. «Ертегіні еске түсірейік» (тақтаға «Шалқан» ертегісінің суреті ілінеді)

- Ертегідегі кейіпкерлерді атайықшы? Ата, әже, қыз.

- Олар қайда тұрады? –Үйде.

- Шалқанды кім отырғызды? Ол қандай боп өседі? Ертегі қалай аталады?

- Үлкен шалқанды қалай жұлды? «Кім кімге көмектесті?

Ата, әже және немерені бір сөзбен қалай атайды?

- (Отбасы)

Бір-бірін жақсы көріп, сыйлап, өзара көмектесетін адамдардың отбасын тату отбасы деп атайды.

ІІ. Негізгі бөлім.

-Балалар, бүгін біз «Менің сүйікті отбасым» тақырыбында әңгімелесіп, танысатын боламыз.

«Ойлан, тап» тапсырмасын орындау

(Тақтаға отбасы мүшелерінің жеке суреттері ілінеді, сұрақтар қоя отырып, балалар жауаптарына қарай суреттерді ажыратып, ретімен тақтаға іліп шығады)

-Балалар, менің айтқандарымды мұқият тыңдап, кім туралы айтып тұрғанымды ойланып табыңдар.

- Қатал көрінгенмен өте мейірімді. Ол көзілдірік киеді, көп кітаптар оқиды, көптеген қызықты тарихи оқиғаларды біледі. Ол әжеге көмектеседі, дүкенге және базарға барады, зейнетақы алады, немерелеріне қарайласады. - Кім бұл? (ата) - Ал сендердің аталарың қандай? (балалардың жауаптары). - Ол өте мейірімді, ақ шашты, көзінің айналасында ұсақ әжімдері бар, дәмді тағамдар, тәтті нандар пісіреді, сендерге жылы қолғап тоқиды, ұйықтар алдында ән немесе ертегі айтып береді. -Бұл кім? (әже) - Оны қалай білдіңдер? - Ал сендердің әжелерің не істей алады? (балалардың жауаптары, тәрбиеші толық жауап беруін талап етеді ) -Ол салмақты ,көп жұмыс істейді,көлік жүргізеді, барлық бос уақытын сендермен өткізеді, демалыс кезінде барлық отбасын табиғатқа алып шығады. -Бұл кім? (әке) -Дұрыс. Ал әке не істей алады? (ағаш жарады, футбол ойнайды, т.б.). - Ал сендердің әкелерің қандай? Толықтыру: (күшті, батыл,…