Менің үйім дүниетану сабақ жоспары 1 сынып

Пән: дүниетану

Қатысқандар саны: 20

Қатыспағандар саны:

Сынып: 1

Сабақтың тақырыбы

Менің үйім

Оқу мақсаты

Баспана түрлерімен танысу; «жайлылық» ұғымын түсіну; өз үйіндегі бір бөлмені сипаттауды және сұлбасын салуды үйренy.

Сабақтың мақсаттары

Барлық оқушылар: баспана түрлерімен танысу; Оқушылардың басым бөлігі: «Жайлылық» ұғымын түсіну; Кейбір оқушылар: өз үйіндегі бір бөлмені сипаттауды және сұлбасын салуды үйренy.

Ресурстар:

«Қазақтың дәстүрлі баспанасы – киіз үй» тақырыбына таныстырылым, әртүрлі баспана суреттері (киіз үй, ағаш үй, лашық), киіз үй суреттері, ватман, түрлі-түсті қағаз, қайшы, киіз үй макеті.

Құндылықтарды дарыту

Ұлттық мәдениетті құрметтеу, жақындарына, туыстарына, қамқор болу, тұрмыстағы ұқыптылық сияқты құндылықтар дамиды.

Пәнаралық байланыс

Көркем еңбек, математика

АКТ қолдану дағдылары

Презентация

Тілдік құзыреттілік

Баспана, мекенжай.

Сабақ барысы

Сабақтың кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

Бала, бала, балапан

-Қане, қайсы, алақан.

Саусақтарың әйбат,

Былай-былай ойнат.

– Балалар, алақан арқылы жүректің жылуын сезініп үйренген қандай тамаша, қандай қуаныш! Бүгінгі сабағымызға сәттілік тілейік.

БАРЛЫҚ ІСТЕ САҒАН СӘТТІЛІК ТІЛЕЙМІН!

Жұптасу

Сабақтың ортасы

-Қане, есімізге түсірейік, қандай тақырып өттік? (Менің отбасым. Отбасындағы дәстүрлер)

-Менің қолымдағы не? (Геометриялық фигуралар) Атаңдар: үшбұрыш, төртбұрыш, шаршы, дөңгелек

-Бұлар қандай фигуралар? (Жазық фигуралар) Ендеше, осы жазық фигураларда суреттер, сұрақтар бар. Соларға жауап беріп, оларды тақтаға жапсырамыз.

Үшбұрыш:Отбасы дегеніміз.........

Шаршы: Отбасы мүшелерін ата.

Тік төртбұрыш:Отбасындағы дәстүрлерді атаңдар.

Шаршы (терезе): Отбасыңмен атап өтетін мереке.

Тік төртбұрыш (есік): «Сүйінші сұрау» деген не?

Геометриялық фигуралардан не құрастырдық? (Үй)

-Үй дегеніміз не?«Үй» сөзі латынның «домус» деген сөзінен шыққан, бұл «баспана», «шаруашылық» дегенді білдіреді.

Бұрынғы және қазіргі баспана.

Оқушылардың назарын әртүрлі үй суреттеріне аудару.

-Мына үйлер туралы не айта аласыңдар? қандай үй түрлерін білесіңдер?

Әр халыққа тән тұрғын үйдің көптеген түрлері бар: Арабияда –шатыр, Америкада – вигвам, типи, хоган, Бразилияда – хижина (лашық), Гренландияда – иглу, Испанияда – пальясо, Қырғызстанда, Монғолияда – киіз үй, Қытайда – фанзай, Ресейде – изба (ағаш үй), Украинада – хата (там).