Менің үйім өзін-өзі тану сабақ жоспары 1 сынып

Мектеп: «Н.Төреқұлов атындағы №121ЖОМ» КММ Мерзімі: 05.11.2018ж.

Мұғалім: Мырзалиева Гаухар Сынып: 1 «А,Ә» Оқушылар саны: Тақырып: Менің үйім Сабақ №9

Құндылық: Сүйіспеншілік

Қасиеттер: Жақсы көру, достық, татулық.

Сабақтың мазмұны:

Ресурстар:

Сабақтың мақсаты: Оқушыларға ар-ұжданына сүйеніп өмір сүрудің маңыздылығын жеткізу арқылы сүйіспеншілік құндылығының мәнін ашу.

Міндеттері:

Білімділік: Оқушыларды отбасы мүшелерін жақсы көруге қалыптастыру;

Дамытушылық: Оқушыларды отбасын қадірлеуге баулу.

Тәрбиелік: Татулыққа, достыққа тәрбиелеу.

Оқулық, дәптер стикер, бояуыштар, ақ парақ

Сабақтың барысы:

1.Ұйымдастыру кезеңі:

Тыныштық сәті: Шаттық шеңбері.

Оқушыларды шеңбер бойымен тұрғызып, бір-біріне жылы лебіздерін білдіру.

2. Мәтінмен жұмыс.

«Отбасы татулығы» аңыз әнгіме.

- Отбасының татулығы,бірлігі кімге, неге байланысты?

- Әрбір адам оған жауапты ма?

- Сендердің отбасыларыңның татулығы мен бақыты қандай құндылықтар мен қасиеттерден құралған ?

Тәртіп,талап,

тыныштық тазалық, татулық

3. Дәйексөз.

Отан- отбасынан басталады.

1. Отан деген не?

2.Отбасы деген не?

3. Екеуі қалай байланысты?

Осы сұрақтар айналасында дәйексөзді талқылаймыз.

Оқушылардың пікірін тыңдау.

4. Әңгімелеу. Мұғалімнің сыйы.

«Маймақ қаз» ертегісі бейне фильм.

Анасы қазға қандай сүйіспеншілік білдірді?

Әкесінің бойында қандай жаман қасиеттер бар?

Қаздар бойындағы сүйіспеншілік адамдарға тән ба?

Сүйіспеншілік жақсылыққа қалай жетеледі?

5. Шығармашылық жұмыс, топтық жұмыс.

45-беттегі суретке қарап әңгіме құрастырамыз. Әр оқушы өз отбасын мысалға алады. Әр топ шығармашылықпен жұмыс жасап, қорытынды жасайды.

І –топ: Білім

ІІ – топ: Қамқорлық

ІІІ- топ: Әдептілік

6. Топпен өлең айту.

Ақ мамам

Сөзі : С. Садықов

Әні : С. Садықов

Еркелеймін, шаттанам,

Жарқын күлкің – бақ маған.

Ақ бетіңнен сүйейін,

Келші, келші, ақ мамам.

Бал бөбегін баптаған,

Мамам үшін мақтанам.

Ақ бетіңнен сүйейін,

Келші, келші, ақ мамам.

7. Мәтінмен жұмыс.

Қорытынды: Күнделікті өмірде отбасында бір-бірімізге үлгі болуымыз керек.Отбасының әрбір мүшесі ондағы татулық пен бірлікке жауапты.Риясыз сүйіспеншілік – асыл құндылық. Сүйіспеншілік адамнан адамға берілетін қуат. Адамның шынайылығы оның ақ ниеті, таза ойы, жылы сөзі және игі ісінен көрінеді. Риясыз сүйіспеншілікпен қызмет ету – әрбір адамның парызы.