Менің жанұям балабақшаға арналған сабақ жоспары

Білім беру саласы:Қатынас

Бөлімі: Сөйлеуді дамыту

Тақырыбы: «Менің жанұям»

Мақсаты:Балаларға отбасы туралы түсінік беру,өз жанұясы туралы әңгімелесуге үйрету;

Керекті құралдар-жабдықтар: отбасы суреттері, үлестірмелі суреттер.

Қостілділік компонент: отбасы-семья, отец-әке, мать-ана, брат-аға, әпке-сестра, ата-дедушка, әже-бабушка.

Тәрбиеші іс — әрекеті

Балалардың іс — әрекеті

Мотивациялық қозғаушылық

Домбырасын қолға алып,

Ән салады аташым.

Күй тартады толғанып,

Қызығына батасың.

Мен атама тартқанмын,

Шырқап әнін саламын,

Өнер қуған балалмын,

Мен атамдай боламын.

Дидактикалық ойын: «Кімге ұқсағың келеді?»

Балалар өлең жолдарын тыңдап болған соң, ойынға араласып, өздерінің үйде кімге тарқанын айтады.

Ұйымдастыру-іздестіру

1. Сабақтың тақырыбымен таныстыру.

2. Балалар, отбасы деген сөздің мағынасын кім біледі? Жанұя ше?

Сендердің отбасында неше адам?

3. Суретпен жұмыс.

Отбасылық суретке қарап, отбасы мүшелерін айтып береді.

4. Сергіту:

Бас бармағым – атам,

Үйдің данасы.

Балаң үйрек — әжем,

Ошақ анасы.

Ортан терек — әкем,

Отау панасы.

Шылдыр шүмек – шешем, Шаңырақ ажары.

Титтей бөбек – мен,

Бәріңін базары.

5. Сөздік жұмыстар. отбасы-семья, отец-әке, мать-ана, брат-аға, әпке-сестра, ата-дедушка, әже-бабушка.

Балалар тыңдайды.

Балалар қойылған сұрақтарға жауап береді

Суретпен жұмыс жасайды.

Балалар сергіту жаттығуларын жасайды.

Рефлексивті түзетушілік

-Бүгінгі сабақ ұнады ма?

-Несімен ұнады?

— Отбасымыз аман болсын!!!

Ата-анамыз ауырмасын!!!

Сұрақтарға толық жауап беру.

Балалар, тілек айтады.

Күтілетін нәтиже:

Нені білу керек

Сурет бойынша әңгіме құрауды.

Нені игерді

Жаңа сөздердің мағынасын түсінуді.

Нені білді

Отбасы туралы әңгімелеуді.