Менің отбасым туралы балабақшаға арналған сабақ жоспары

Ұйымдастырылған оқу іс-әрекетінің технологиялық картасы

№1 оқу іс-әрекет: «Шығармашылық» білім беру саласы

Бөлімі: Музыка

№2 оқу іс-әрекет: «Таным» білім беру саласы

Бөлімі: Қоршаған ортамен таныстыру

Тақырыбы: Менің отбасым

Мақсаты:

1.Балаларға отбасы және отбасы мүшелері туралы түсінік беру.

2.Сөйлем құрап айтуға, дыбыстарды анық, таза жеткізе білуге дағдыландыру.

3.Отбасында үлкендерді сыйлап, кішілерге қамқор болу сияқты әдептілік қағидаларын сақтай білуге тәрбиелеу.

Әдіс-тәсілдері: көрсету, түсіндіру, сұрақ-жауап, әңгімелесу.

Көрнекіліктер: отбасы мүшелерінің суреттері, текшелер, үлестірмелі суреттер

Жоспар кестесі:

Оқу іс-әрекетінің кезеңдері

Тәрбиешінің іс-әрекеті

Баланың іс- әрекеті

Мотивациалық- қозғаушылық

Ұйымдастырушылық-ізденістік

Шаттық шеңберін құру.

Ә. Қонарбаевтың «Бала, бала, балақан» әні орындалады.

1. Әңгіме жүргізу.

-Балалар, біздің шаттық шеңберіміз неге ұқсайды?

-Иә, біздің шаттық шеңберіміз киіз үйге ұқсайды. Жоғарыдағы күмбез шаңырақ деп аталады. Шаңырақ - отбасының белгісі. Әр адам, үлкен болсын, кіші болсын өз үйін жақсы көреді, себебі ол үйде оның отбасы тұрады. Отбасы - дегеніміз бір үйде тұратын адамдар тобы. Отбасы мүшелері: әке, ана және олардың балалары. Отбасының болуы - үлкен бақыт. Барлығымыз бірге қайталайық.

Отбасы - ол бақыт,

Отбасы - ол ата-ана,

Отбасы - туыстарымыз,

Отбасы - ол шаңырақ.

-Әр адамның өз үйі болады. Онда оның отбасы мүшелері тұрады. Олар ата, апа, әке, ана, әпке, аға іні қарындас т.б.

2. Сергіту сәті: Е Өтетілеуұлының «Бес саусақ» өлеңімен орындалады.

З.Суретпен жұмыс. Отбасы бейнеленген суреттен оның мүшелерін айтқызу.

-Мына отбасында ата, әже бар екен, балалар, тағы кім бар?

-Төрде кім отыр?

-Дұрыс айтасыңдар. Атаның оң жағында әже шай ішіп отыр.

-Шайды кім құйып беріп отыр?

-Барлығымыздың үйімізде анамыз, әкеміз, атамыз бен әжеміз бар ғой?

4. Үлестірмелі материалмен жұмыс. «Менің отбасым» Берілген суреттердің ішінен (анасын) отбасы мүшесін табу.

-Отбасы мүшелерін сыйлау керек. Үлкеннен бұрын сөйлемейміз. Жол береміз.

Үлкенге ізет, кішіге қамқорлық көрсетеміз.

5.Ойын: Кім тез табады? Шарты: текшеде отбасы мүшелерінің суреттері көрсетілген.

Балалар шаттық шеңберінде өлеңді қайталап,оның мазмұнына сәйкес қимыл-қозғалыспен жасайды.

Балалар жауап беруге тырысады.

Балалар бірге қайталайды.