Мінез – адам көрсеткіші тақырыбына сабақ жоспары 9 сынып

Өзін-өзі тану пәнінің сабақ жоспары

Сабақтың тақырыбы: Мінез-адам көрсеткіші

Құндылық: Ішкі тыныштық

Қасиеттер: мейірімділік, сүйіспеншілік, қамқорлық,сыйластық

Сыныбы: 9 «а, ә»

Оқушы саны: 36

Сабақтың мақсаты: Оқушыларға адам бойындағы адамгершілік қасиеттердің құндылықтарын түсіндіру, мінез адамның ең негізгі көрсеткіші екенін дәлелдеу.

Міндеттері:- Жақсы мінез туралы айта отырып, жақсылықты жасау, оны қолдау, жаман мінезді тізгіндеу адамдық міндет екенін түсіндіру;-Өзіне-өзі сыни көзқараспен қарау дағдыларын дамыту;- Өзінің мінез - құлқын, физикалық және психикалық жағдайын еркін басқаруға, жақсы әдеттерін көрсете алуға, жақсы қасиеттерге ұмтылуға тәрбиелеу.

Ресурстар (құралдар, мәліметтер):

Оқулық, дәптер, ақ қағаздар, стикерлер, күн суреті, жүрекше, шарлар

Ұйымдастыру бөлімі

Бес «Т» , бес құндылықты еске түсіру.

Тыныштық сәті. Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын да таза әсем гүл сіздің ойыңызды, сезіміңізді, тілек-қалауыңызды шайып, жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Нұрды уақытша түсініспей, ренжісіп жүрген адамдарға да бағыттаңыз, ол

Үй тапсырмасын сұрақтар арқылы жауап беру.

М.Тиесовтың «Дән мен тас» ертегісі.

- Мәтіннен қандай ой түюге болады?

-Өмірде мінезі ауыр адамдармен қалай қарым-қатынас жасауға болады?

- Ауыр мінездің оң және кері қырлары туралы не айтар едіңіз?

Сабақ барысын талдау.

Дәйексөз

«Ұлтына, жұртына қызмет ету – біліммен емес, мінезден».

Әлихан Бөкейхан

Әңгімелеу. «Картоп, жұмыртқа және кофе дәнегі».

Ерте ерте ертеде…Ешнәрсені ұнатпайтын, жылауық бір қыз болыпты. Ол үнемі өмірдің қиын, жаман екенін айтып, онымен күресуден шаршағанын айтатын. Бір мәселе шешілгенде, үнемі басқа бір мәселе шығатын болып көрінетін оған. Бір күні аспаз болған әкесі қызын ас үйіне шақырып, оған өсиет айтпақшы болады. Үш ыдысқа су толтырып, отқа қояды. Су қайнай бастаған кезде біреуіне картоп, екіншісіне жұмыртқа, үшіншісіне кофе дәнегін салады. Қызына ешнәрсе айтпай, күтеді. Қызы да үндемеді, соңы не болады екен деп ол да күтті. Бірақ сабырсыз болғаны үшін тағы қанша күтетінін сұрап мазалана бастады. Әкесі үндемеді. 20 минуттан кейін, әкесі отты өшірді. Картоп, жұмыртқа және кофе дәнегінен шыққан кофені бөлек - бөлек ыдыстарға қойды. Қызға:-“Нені көріп тұрсың?” – “Картоп, жұмыртқа, кофе дәнегін” деп түсінбей жауап берді қыз. – “Жақынырақ келіп тағы қара” деді әкесі, “картопқа қолыңды тигіз.” Қыз айтқанды орындап, картопты қолына алып оның жұмсарғанын айтты. –“Тура солай жұмыртқаны да зертте”. Қыз жұмыртқа қабығының қатқанын айтты. Ең соңыңда кофеден ұрттауын ұсынды әкесі. Қыз кофені ұрттап, оның дәмді екенін айтып күлімдеді. Сонда да ешнәрсені түсінбеген қыз: “Мынаның бәрімен нені айтқың келді, әке?”

1. Аңызда қай құндылық туралы айтылып тұр?

2. Әкесі қызына қандай өсиет айтпақшы болды?

3. Қызы әкесінің сөзін қалай ұқты деп ойлайсыңдар?

4.Сендер өз бойларыңнан қай ұқсастықты байқадыңдар?

5.Адам өз мінезін өзгертіре алама?

Шығармашылық жұмыс. Топтық жұмыс

1 «Қасиеттер жәрменкесі» Шарты: Оқушыларға екі бағанаға бөлінген ақ парақ таратылып беріледі.І бағанға «Сатамын», ІІ бағанға «Сатып аламын» деген сөздер жазылады.

Нұсқау: Оқушылар өз бойларындағы қандай қасиеттерді сатқылары келеді және қандай қасиеттерді сатып алғылары келетіндіктерін қағазға түсіреді.Жазып болғаннан кейін парақты кеуделеріне ұстап тұрып, өзара сатуға ұсынылған қасиеттерімен танысады.

 - Қандай қасиеттер көбірек сатылуға ұсынылды?

 - Не себепті сатып алғымыз келді?

 - Не себепті сатқың келді?

 Сұрақтар бойынша оқушылармен қорытындылау жұмыстары жүргізіледі.

«Түрлі қасиет сататын базары» Жақсы қасиеттерін гүлге жазады,жаман қасиеттерін найза жағына жазады.

 Ойыннан шығатын қорытынды: «Кемшіліксіз адам болмайды, Өзіңнің кемшілігін мойындау –ол да бір ерлік».

-Неліктен «Мінез – адам көрсеткіші» болады деп ойлайсың?

-Адамның жақсы мінезіне нелер жатады?

-Мінезі жаман адамда жақсы қасиет бола ма?

-Жаман мінезді қалай түзеуге болады деп ойлайсың?

Топпен ән айту.

«Өмір сыры»

Әні:А.Бексұлтан Сөзі:И.Исаев

Өмір деген –

Жанымның шуағындай жарқырайды.

Көңіл деген –

Бар кезде шарықтап шалқымайды.

Арман деген –

Жүректің жұбанышы үзілмейтін.

Үміттің серігің ғой көз ілмейтін.

Өмір ғой несіне таң қаласың.

Қайырмасы

Бұл дүниені

Жарығым қайта оянып көрер болсам,

Өмірге қайта айналып келер болсам,

Сезер – ек бақыттың шын бағасын.

Бақыт деген –

Уақыттың сүйіп өткен ақ самалы.

Уақыт деген –

Өзгермес сұрапыл соқса тағы.

Арман деген –

Жүректің жұбанышы көз ілмейтін.

Үмітің серігім ғой көз ілмейтін.

Өмір ғой несіне таң қаласың.

Қайырмасы:

Назар аударыңыздар.

Туған жылыңның әсеріҚазақша жыл қайыру бойынша адам жасының он екі жылы бір мүшел болып саналады. Алайда адам өзінің алғашқы мүшеліне 13 жасында толады…