Мінез бен іскерлік сабақтастығы туралы психологиялық мақала

МІНЕЗ БЕН ІСКЕРЛІК САБАҚТАСТЫҒЫ

Қоғам адамдардан құралады. Осы қоғамда адамдар арасында күнделікті тіршілік ету үшін, өмір сүру үшін әртүрлі қатынастар болып жатады. Ол қатынас тек үйде не таныс жақын адамдар арасында емес, жұмыста, ұйымда немесе белгілі бір ортада болуы мүмкін. Ал адамдардың тек сыртқы бітімі ғана емес, ішкі мінез-құлқы да әртүрлі екені анық. Сондықтан олармен байланысқа түскенде, жұмыс істегенде, сөйлескенде бәріне бірдей қатынас жасай алмайсың. Бұл күнделікті өмірдің бір мысалы.

Біз қазіргі таңда әл-Фараби атындағы ҚазҰУ-дың филология факультетінің 1-курс магистранттарымыз. Білім жолына, ғылым жолына одан әрі тереңінен бойлауға ұмтылудамыз. «Ұлтқа қызмет ету білімнен емес, мінезден» деп, алаш қайраткері Ә.Бөкейханов айтпақшы, әрине, ұлтымызға қызмет қылу үшін тек оқып қана қоймай, мінезімізді де шыңдап, қырлауымыз қажет. Мінезің келіспесе, мықты маман болудан не пайда?! Мінезді қалыптастыру үшін, адамдармен дұрыс қарым-қатынас жасай алу үшін, болашақ маман есебінде бір ортада сәтті, басқалармен ұйымшыл болу үшін арнайы «Басқару психологиясы» атты пәнді енгізген. Пәннің мақсаты басқару іс-әрекетінің теориялық-практикалық негіздерін талқылай отырып, бізге осы пәннің теорияларын басқару тәжірибесінде қолдануды үйрету. Ол жерде басқарудағы мотивация, белгілі бір ортада, ұйымда өз эмоцияңды басқара алу, басшы ретінде болмыс пен жеке тұлғамызды қалыптастыру, коммуникацияға қабілеттілік, ұйым мәдениеті туралы зерттеулерді бізге жеткізу, біздің басшы ретінде ғана емес, мықты маман ретіндегі құзіреттілігімізді қалыптастыру және оны дамыту. Осы пән барысында стерспен күрес, эмоцияны басқара алу қабілеті, лидерлік тұлғаның сипаты, басқарудағы мотивация, ұйымдағы қары

Әр адам – жеке тұлға. Жай тұлға емес, өзіндік ойы мен санасы қалыптасқан, қоғамда өз алдына жеке орны бар, діттеген мақсаты мен алдына қойған міндеттері бар тұлға. Бірақ осы тұлғалар арасындағы байланысты ұстап тұрған екі-ақ нәрсе бар: бірінші – сөйлеу. Бұл әрине, ең негізгі коммуникация құралы, ары қарай түбіне шолсақ, филологияның нысаны. Екінші – мінез. Бұл – коммуникацияның негізгі тірек-арқаны есебінде. Мінезсіз құрған коммуникация – мақсатқа жете алмасы анық. Сөзімізді қорытындылай келе, өзімізді қалыптастыру, іскерлік қабілетімізді мінезімізбен жанастыру, тұлға ретінде болмысымызды қалыптау…