Мінез көңіл айнасы психологиялық жаттығуы, 7 сынып

«Мінез-көңіл айнасы»

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-бала бақшасының педагог-психологы

Мақсаты: Адамның мінезі мен көңіл-күй туралы түсінік беру. Оқушының өз

мінезіне басшылық жасай алуын қалыптастыру, көңіл-күйін

жағымды арнаға түсіруге баулу, қарым-қатынастың белсенді

стилін дамыту

Көрнекілігі: Шарф, көңілді әуен, қалам, әріптер

Әдісі: Семинар-тренинг

Қатысушылар: 7-сынып оқушылары

Барысы:

Кіріспе: А.С.Макаренко «мінез негізінен бес жасқа дейін қалыптасады. Одан кейінгі жылдары мінездің түрлері нықталады, қайта өзгеріп те отырады, бірақ негізі өте ерте кезде қалыптасады» - деген. Адамдарды жақсы көріп, сыйлап тұруға баланы ерте жас кезінен бастап баулу керек. Ер балалар мен қыз балалардың қарым-қатынасына дұрыс бағыт беріп отырудың маңызы өте зор. Содан барып ер балалардың мінезі мәдениетті болады. Өз балаларын жақсы мінез-құлыққа тәрбиелеу үшін, ата-анаға өздерінің жеке мінез-құлықтары жөнінде ойлауға тура келеді. Сонымен қатар мінез-құлық мәдениеттілік, басқа да көптеген жақсы салаларды балаға сәби кезінен бойына дарыту керек.

Баланың мінез-құлқын мәдениеттілікке қалай тәрбиелеуге болады? Ең алдымен балаға «жақсы мен жаман» деген немене соны түсіндіріп отыру қажет, көзұарасын саналы түрде қалыптастыру керек. Сонымен баланы дұрыс мінез-құлыққа баули отырып, мәдениеттілікке дағдыландырған жөн.

1.Танысу жаттығуы

Әр оқушы өз есімдерінің бірінші әрпінен басталатын жағымды қасиетті айту керек. Екінші оқушы бірінші адамның айтқанын қайталап, өзінің жағымды қасиетін қосып айтады.

- Өз есіміңізді, жақсы қасиетіңізді айтып жатқанда қандай сезімде болдыңыз?

- Өзіңіз қазіргі кезде қандай көңіл-күймен отырсыз?

2. «Саусақтар сыры» туралы бейнебаян көрсету

3. Сергіту сәті

Оқушылар бір-бірін көрмейді, көздерін байлап, қолдарына бір-бір әріптен ұстатып, берілген әріпті тауып сол әріпке байланысты сөйлем, мақал-мәтел, жұмбақ құрастыру керек.

Қорытынды:

Әрқашанда осындай жылы сөздермен және жылы жүрегіміз, әдемі күлкімізбен бір-бірімізді қуанта берейік. Сау болыңыздар.