Мөлдір бұлақ – жасыл құрақ тақырыбындағы 6 сынып ашық сабақ

Ашық сабақ

Тақырыбы: Мөлдір бұлақ – жасыл құрақ

Сабақтың тақырыбы: Мөлдір бұлақ – жасыл құрақ

Мақсаты:Оқушылардың адам мен табиғат арасындағы үйлесімділік туралы түсініктерін дамыту.

Міндеттері:

1.Оқушылардың табиғаттың тұтастығы туралы ұғымдарын кеңейту.

2.Оқушылардың табиғатты сақтау, аялау сезімдерін дамытуға ықпал ету.

3.Табиғатқа сүйіспеншілікке, мейірімділікке, қамқорлыққа тәрбиелеу.

Көрнекілік: компьютер, оқулық, салынған ағаш суреті, жүрекшелер

1.Шаттық шеңбері

Мұғалім оқушыларды шеңберге шақырады. Балалар бір-бірімен сәлемдеседі. Бір – біріне жылы лебізін білдіреді.

Ойланайық пікірлесейік

Табиғаттың адам өміріндегі маңызы қандай?

Табиғатқа өз қарым-қатынастарыңды қалай білдіресіңдер?

Түйіндеме

Табиғат адам өмірінің барлық қажетін толық өтей алу үшін ол міндетті түрде ештеңемен былғанып уланбауы тиіс. Адам өзінің де, табиғаттың да досы, санасыз іс-әрекет жасаса, жауы болады. Табиғатты аялап, оған еш қиянат жасамай,сүйіп,оған қамқоршы болуымыз керек. Сонда ғана бәріміз де аман боламыз,бақытты өмір сүре аламыз.Адам үшін табиғат – кең сарай,мәңгі тозбас құтты қоныс болатынын ешқашан ұмытпайық!

Мәтінмен жұмыс

Ақселеу Сейдімбектің

«Бетбақдала» әңгімесін оқу ұсынылған.Әңгімені оқу барысында оқушылардың табиғатқа қарым-қатынас туралы білімдері арта түседі.

Әңгіме мазмұнынан оқушылар табиғатқа сұйіспеншілікпен қамқорлықтың,табиғатты аялау,сақтаудың қаншалықты маңызды екеніне көз жеткізеді.

Құнарлы жердің бетпақдалаға айналуына не себеп болды?

Жаңа ақпарат

Жер бетіндегі өлі және тірі табиғат бір-бірімен тығыз байланыста,өзара үйлесімді тіршілік етеді.Осы тіршіліктегі тепе-теңдік бұзылса,табиғатқа апатқа ұшырайды.Оның зияны адам баласының өміріне қауіп тудырады.Сондықтан табиғат заңдылықтарын бұзыуға болмайды.

Бейне көрініс. «Табиғат аясында»

Топтық жұмыс (оқушыларды 3 топқа бөлу)

І. «Денсаулық» тобы

ІІ. «Тазалық» тобы

ІІІ. «Дәрумен» тобы

І- кезең. «Жұмбақтар» сайысы. 10-ұпаймен бағаланды.

1)Ақ түсті,

Көк түсті,

От түсті,

Тот түсті-

Төрт түсті жер үсті.

қыс, көктем, жаз, күз

2)Үй үстінде алтын тас,

Алайын десем табылмас.

Жұлдыз

Бір халық аспанда ұшқан, аяғы жоқ,

Ұстаған қолдарында таяғы жоқ.

Күніне талай жерге кетер кезіп,

Нәрсенің бұл секілді саяғы жоқ. (Бұлт)

Көзге ілінбейді,Жұтсаң білінбейді. (Ауа)

Қолы жоқ, сурет салады,

Тісі жоқ, тістеп алады. (Аяз)Қанаты жоқ, ұшады, Аяғы жоқ, жетеді. Аузы жоқ,ұлиды. (Боран)

Аяқсыз жетіп барады,Қолсыз есік қағады. (Жел)

Арыстан арқырады,Орман жарқырады. (Найзағай)

Қуып едім-мойнын бұрмады,Ұстайын деп едім-қолға тұрмады. (Боран)

ІІ-кезең. «Сұрақ -жауап» 10 ұпаймен бағаланады.

Адамдар табиғатқа неліктен залал келтіреді?