Морфология және зат есімнің түрленуі 8-сынып бағдарламасы

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Ускенбаева Лаззат Рысбековна

«Морфология. Зат есімнің түрленуі» бойынша орыс

тілінде оқытылатын сыныптарға арнап жазылған

АВТОРЛЫҚ БАҒДАРЛАМА

ӘӨЖ 811.512.122 КБЖ 81.2 Рецензенттер: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика-психологиялық қолдау кафедрасының ЖБМ тренері, аға оқытушы Ф.Б.Ғалымжанова. Морфология. Зат есімнің түрленуі // құрастырушы автор: Л.Р.Ускенбаева – Жамбыл облысы Қордай ауданы «№12 Масанчи орта мектебі» КММ орыс тілді сыныптардағы қазақ тілі мен әдебиеті пәнінің мұғалімі, 2021. – 54 б. ISBN 978-601- 2300-12-5 Құрастырушы автор қазақ тіл білімінің салалары, морфология, зат есім бойынша оқушыларға терең білім беру мақсатында авторлық бағдарлама жасаған. Түбір, қосымша, зат есімнің түрленуі, сөйлемдегі қызметі туралы білім қалыптастыруды реттілікпен, жүйелі түрде төменгі басқыштан күрделіге қарай жылжып отырып, білім беру стандартына сай орындап шыққан.

ӘӨЖ 811.512.122

КБЖ 81.2 «Инновация» Оқу-әдістемелік Орталығының 2021 жылғы 20 қыркүйектегі №2 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі, 2021 978-601- 2300-12-5

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ

БАСПАСЫНА ҰСЫНЫЛДЫ

Рецензенттер: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика-психологиялық қолдау кафедрасының ЖБМ тренері, аға оқытушы Ф.Б.Ғалымжанова. Құрастырушы автор: Ускенбаева Лаззат Рысбековна Жамбыл облысы Қордай ауданы «№12 Масанчи орта мектебі» КММ орыс тілді сыныптардағы қазақ тілі мен әдебиеті пәнінің мұғалімі

© «Инновация» баспа үйі – 2021 жыл

Түсінік хат

«Ұрпағы білімді халықтың болашағы бұлыңғыр болмайды» дегендей, жас ұрпаққа мән-мағыналы, өнегелі тәрбие мен білім беру – бүгінгі күннің басты талабы. Қайсар рух пен қара күшті қару етіп, еркіндік үшін күрескен бабаларымыздың ерлік жолындағы күресі бүгінгі таңда айбыны аспан тіреген тәуелсіздік тұғырын биіктетеді. Қазіргі таңда жаңа көзқараспен қарайтын жалынды жастар еліміздің жаңару үдерістеріне белсене қатысып келеді. Алысқа қол сермеп, әлемдік деңгейдегі ұстанымды игеріп, келешектің кілтін өз қолдарына алуда.

Жастар – кез келген мемлекеттің ең белсенді мүшесі. Бүгінгі алдымыздағы шәкірттеріміз – егеменді елдің ертеңі, ата-бабамыз сан жылдар армандаған тәуелсіздігімізді, ұрпақтар сабақтастығын көзінің қарашығындай сақтайтын, жалғастыратын тұлғалар.

Бүгінгі білім беру жүйесінің міндеті – еңбек нарығында бәсекеге қабілетті, құзіретті, өз жұмысын жақсы білетін, жан-жағына бағыт-бағдармен қарайтын, әлемдік стандарт деңгейінде нәтижелі жұмысқа, кәсіби өсуге, оңтайлы әрекет жасауға, болып жатқан өзгерістерге тез бейімделуге қабілетті азамат тәрбиелеу. Сондай-ақ, білікті маман, индустриалды-инновациялық жағдайды шешуге лайық, өз қалауы мен қоғам талабына сай өзін көрсете білуге бейім, өз ойын еркін айта алатын, жоғары білімді, мемлекеттік тілді, тарихты жетік меңгерген, Отандық және әлемдік мәдениетті бойына сіңірген, шығармашыл кәсіби маман иесін дайындау.

«Тілге құрмет – елге құрмет» - демекші,

оқушыларымызды көп ұлтты мемлекетіміздің тілін құрметпен, қастерлеп отырып меңгеруге бағыттау – өзге тілді мектептерде сабақ беретін қазақ тілі мен әдебиеті пәні мұғалімдерінің басты міндеті деп білемін. Осы жоғарыда келтірілген мақсаттарға сай нәтижелерге қол жеткізу үшін орыс сыныбындағы қазақ тілін оқитын оқушылардың қабылдау табиғаты мен жас ерекшелігін, мемлекеттік білім беру стандартын негізге алып, «Морфология. Зат есімнің түрленуі» тақырыбында авторлық бағдарлама дайындадық.

34 сағаттық авторлық бағдарлама 8-сыныптың вариативті сабақтарына арнап жазылған. Авторлық бағдарламамен оқыта отырып, біз төмендегідей нәтижелерге қол жеткізе аламыз.

Бағдарламаның міндеттері мен күтілетін нәтижелері:

- оқушы қазақ тіл білімінің салалары туралы білім қалыптастырады; - морфологияның атқаратын міндетін ажырата білетін болады; - қосымша және оның түрлерімен танысады; - жұрнақ пен жалғауды ажыратуды үйренеді; - сөз тұлғасы, түбір сөз бен туынды сөз туралы білім қалыптастырады; - сөзді құрамына қарай ажыратуды меңгеріп, дара сөз, күрделі сөздерді танып біледі; - зат есімнің мағыналық түрлерімен танысады; - зат есімнің түрлену жолдарын меңгереді; - зат есімнен зат есім жасаушы жұрнақтармен танысады;