Мұғалімдерді даярлаудың өзекті мәселелері туралы материал

МҰҒАЛІМДЕРДІ ДАЯРЛАУ - ӨЗЕКТІ МӘСЕЛЕСІ

Хусман Бахатгуль математик пәні мұғалімі: педогог-зерттеуші

Астана қаласы әкімдігінің «Ыбырай Алтынсарин атындағы № 83 мектеп-гимназия»ШЖҚ МКК

Ұстаз - жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын, алғыр да аңғарымпаз ақыл иесі, мейлінше шешен, өнер-білімге құштар, аса қанағатшыл, жаны асқақ және ар-намысын ардақтайтын, жақындарына да, жат адамдарына да әділ, жұрттың бәріне жақсылық пен ізгілік көрсетіп, қорқыныш пен жасқану дегенді білмейтін батыл, ержүрек болуы керек.

Әл-Фараби

Жалпы орта білім беретін ұйымдардағы негізгі мақсат - ХХІ ғасырдағы тың және жаңа технологияға қабілетті ұрпақ тәрбиелеу. Осы жолда негізгі міндетіміз - оқу процесіндегі білім сапасын арттыру. Қазақстандағы саяси және экономикалық қатынастардың дамуына байланысты білімді де білікті маман дайындау бүгінгі күн талабы.

Бәсекеге қабілетті білім беру кеңістігін құру мақсатындағы қазақстандық білім беру реформасы бағыттары жас ұрпаққа мағыналы да маңызды білім беруді мақсат тұтады. Егеменді еліміздің дамуы, өркениетті елдердің қатарына қосылуы қазіргі өсіп келе жатқан жастарға тиянақты, күрделі білім берумен тығыз байланысты. Халықтық қасиеті қанында бар, елінің қамын ойлайтын мамандар- ды тәрбиелесек, біз дегенімізге жетеріміз хақ.

Осы тұрғыдан қарағанда мектепте жастарға білім беретін мұғалімдердің орны өте бөлек. Өйткені, еліміздің көшін бастап алға жүргізетін дарынды тұлғалар, елдің экономикасын дұрыс жолға қойып, сараптап, өсу, өркендеу жолын таба білетін мамандар, жеріміздің байлығын тиімді пайдалана алатын инженерлер, технологтар, ғалым мамандар осы мектеп оқушыларынан өсетіні анық. Елбасының: «Дағдарыстар өтеді, кетеді. Ал, мемлекет тәуелсіздігі, ұлы мұраты, ұрпақ болашағы сияқты құндылықтар мәңгі қалады», - деген сөзінде үлкен мән бар. Осы тұрғыдан қарасақ, педагог мамандарды тәрбиелеу, оқыту өзекті мәселе.

Республикамызда осы мамандарды даярлап жатқан біраз университеттер, педагогикалық институттар бар. Соның ішінде көшбасшысы, мұғалімдер дайындауда 90 жылдан асқан нәтижелі еңбегі бел гілі Қазақстанның Абай атын дагы Қазақ Ұлттық педагогикалық университеті. Бұрынғы ҚазПИ-дің мұғалім даярлауда атқарған еңбегін бағалап, Отанымыздың өсуіне, өркендеуіне қосқан үлесі ескеріліп, «Ұлттық университет» дәрежесіне көтеріліп қайта құрылды. Оған білім беру, ғылыми жұмыс жүргізу, мәдени- ағарту және басқа да жұмыстарды жоғары білімнен кейін және қосымша білімдерді іске асыру жүктелді.