Мұғалімнің өзіндік талдау үлгісі, аттестаттауға арналған материал

Мұғалім жұмысына өзіндік талдауы

Мұғалім жұмысы тамшыдан жиналатын теңіздей өлшеусіз еңбекті қажет ететіні шындық. 45 жыл мұғалім болсаңда 45 минут сабағымызға дайындықсыз кіруді ар санайтын мұғалімдер үшін, өз жұмысының талдауы өткенге есеп бере отырып, келешекке мақсат айқындау болып табылады.

Мен мұғалім болып оқушының алдына бет пе бет келген күнен жүрек қалауымда оқушыны шығармашылыққа баулу мақсатым болатын, бүгінгі күнде әдіс-тәсілдер жаңарып, оқушылардың қажеттілік деңгейлері көтеріліп, мұғалімге талап күшейген кезде оқушыға не бере аламын, қалай беруім керек, өзі білімімді қалай көтеремін деген сұрақтар менің басты мәселелеріме айналғаны шындық. Менің пәнім бейнелеу және сызу оқушының шығармашылығын, қабілет, бейімін қатты қажет ететін пәндер.

Қазіргі дамыған қоғам мұғалімдерден бәсекеге қабілетті оқушыларды дайындауды талап етуде. Заман өзгерген сайын өз пәніме оқушы қызығушылығын қалай арттырам деген сұрақ үнемі көкейтесті мәселе, әсіресе шығармашылық пәнінің маманы болғаным үшін, үнемі толғаныс пен ізденісте жүремін. Соңғы он жылдықта елімізде жаппай оқытылып, мектепте қолданысқа еңгізілген «Оқу мен Жазу арқылы сын Тұрғысынан Ойлауды Дамыту» жобасы бойынша білім жетілдіру курсынан өтуім маған мұғалім ретінде қандай әдістерді таңдайтынымды айқындап берді. Сондай-ақ мектеп тәжірибесінде педагогикалық ұжымда Назарбаев интеллектуалды мектептерінің жанында деңгейлік оқу бағдарламаларын меңгеріп келген әріптестеріміздің коучингтеріне қатыса жүріп, балаларды топтық және диалогтік оқытудың маңыздылығына көзім жетті.

Қазіргі таңда осы бағытта жұмыстар жасап жүрмін, кедергілерді аз емес. Сабақтың сәтті шығып берілген материалды меңгертуде мұғалім мен оқушы арасындағы қарым - қатынасқа тікелей байланысты. Бұл менің әр сабағымда басшылыққа алатын қағидам. Сабақтарымда оқушыларға қолайлы жағдай туғызып, үнемі ынтымақтастық атмосфера жасауға тырысамын. Дегенмен, сәтсіз шығатын сабақтар да кездеседі. Ондай кезде қандай қателік жібердім, нені өзгертуім керек деген сұрақтарға қазіргі күндегі оқушыдан алынатын «Кері байланыс» оң ықпал етуде. Сабақтың қай бөлімі ұнады, қандай тапсырмалар қиыншылық тудырды, не ұнамады, нені өзгерту керек деген сұрақтарға оқушылардың берген жауаптарын талдау арқылы қол жеткізудемін. Оқушы үні бүгінгі таңдағы менің ең басты көмекшім . оқушы ойымен санаса отырып, өз сабақтарымды жоспарлаймын. Есесіне нақты сабақтар сәтті ұйымдастырылып, өз нәтижесін беруде. Қазіргі таңда сурет өнеріне қызығатын оқушыларым өз еңбектерінің нәтижесін әр түрлі байқауларда көрсете бастады. Атап айтқанда Сурет сабағынан ерекше дарынды сурет салуға қабілетті оқушы Тәжібаева Жансая өзінің қылқалам шеберлегімен көзге түсіп…