Мұғалімнің шығармашылық есебін жазуға арналған мақала

Шығармашылық есеп

Мен, Дәуленова Жанат Болатовна

білімім: жоғары, бітірген оқу орным: Саран педагогикалық училищесі 1994 ж.

Қарағанды мемлекеттік университеті 2009ж.

Педагогика және бастауыш сынып әдістемесі.

Жалпы еңбек өтілім: 24 жыл

Педагогикалық еңбек өтілім: 24 жыл

Санатым: Педагог - сарапшы

Біліктілікті көтеру курсы: 2017ж. «Өрлеу» біліктілікті арттыру ұлттық орталығы. Қарағанды облысы бойынша педагогикалық қызметкерлердің біліктілігін арттыру институты.

Менің педагогикалық ұстанымым:

“Ұстазы жақсының – ұстамы жақсы”

Жеке әдістемелік тақырыбым: "Бастауыш сынып оқушыларының шығармашылық қабілеттерін арттыру".

Педагогикалық мақсатым: Оқушының ізденушілік, шығармашылық қабілетін дамыту. Оқушылармен ынтымақтаса жұмыс жүргізу. Оқушыларды саналы тәртіп пен сапалы білім алуға тәрбиелеу, бағыттау.

Педагогикалық тұжырымдамам: Үнемі жаңалыққа ұмтылып, өз әдістемелік шеберлігімді, тәжірибемді жетілдіру.

Менің жұмыс жасайтын мәселем:

1. Оқытудың әдіс-тәсілдерін пайдалана отырып, кәсіби шеберлігімді арттыру.

2. Әріптестеріммен үнемі тәжірибе алмаса отырып, жұмыс істеу.

3. Оқушыларды өз бетінше білім алуға дайындау.

Жұмыс жүйемнің негізі: ата-аналармен жұмыс, сыныптан тыс жұмыс, әдістемелік жұмыс, шығармашылық жұмыс, оқушымен жеке жұмыс, қоғамдық жұмыс.

Іс-тәжірибемде бірнеше әдіс-тәсілдерді қолданамын. Атап айтқанда венн диаграммасы, түртіп алу, суретті сызбалар, дидактикалық ойындар т.б. Жұмыс жасау барысында оқытудың жаңа технологиясының бірі-педагогика ғылымының докторы, профессор Ж. Қараевтың деңгейлік оқыту жүйесі іліміне сүйене оқыту болып табылады. Нәтижеге жету үшін оқушылардың білімі мен деңгейіне байланысты тапсырмалар құрастыру қажет. Мемлекеттік тіл мәртебесін көтеру үшін ойлай білетін, өз ойын толық жеткізе алатын, сауатты, еліне еңбек ете білетін, қабілетті жастар керек. Оқушының ойлау және сөйлеу тілін дамыту мақсатында деңгейлік тапсырмалар беру ұсынылады. Сол арқылы оқушының деңгейі анықталып, білімін тереңдетіп, белсенділігін күшейтеді. Деңгейлік тапсырмаларды дайындап, оқушылармен жұмыс жүргізудегі негізгі мақсат: баланың қабілетін ашу, шығармашылығын шыңдау, іздендіру, пәнге деген қызығушылығын арттыру.

Деңгейлік тапсырмалар арқылы оқушының қабілеті, ақылы, біліктілігі, сөздік қоры жетіледі. Әр деңгейлік тапсырманы орындаған сайын оқушы жақсы орындауға талпынады. Мұғалім де, оқушы да шығармашылықпен жұмыс жасайды, сондықтан да оқушыларды өз бетімен жұмыс істеп, білімін тереңдетуі үшін оларды іздендіру керек.

Бірінші деңгейлік тапсырма оқушының есінде қалуға ыңғайлы, өмірмен байланысты болуы керек.

Екінші деңгейлік тапсырма түрленіп, күрделене түседі. Мазмұны өткен тақырыпқа байланысты түрленген, ойлауды қажет ететін, оқушы өз бетімен жұмыс жасауға лайықты тапсырмалар.

Үшінші деңгейдегі тапсырмалар орындау арқылы оқушы өзі тұжырым жасайды. Мұғалім нұсқаушы, бағыт беруші, кеңесуші ретінде болады. Кез-келген сабақта ыңғайлы түртіп алу әдісін үнемі қолданамын. Осының нәтижесінде